قارۋ-جاراقتى جاسىرعان كۇدىكتىلەر ۇستالدى
دالىرەك ايتساق، قۇپيا ورىن "شاڭىراق" ىقشاماۋدانىنداعى جەكە تۇرعىن ءۇيدىڭ ەدەنىنىڭ استىنا سالىنعان. وندا تارتىپسىزدىككە جانە قارۋ-جاراق دۇكەنىن توناۋعا قاتىسقان ءتورت ادام ۇرلانعان قارۋ-جاراق پەن وق-دارىلەردى ساقتاعان.
«اتاپ ايتقاندا، ءتىنتۋ كەزىندە وقتارى بار ەكى مىرىش، 12 رگد جانە ف-1 گراناتاسى، اك-47-گە ارنالعان ەكى پاترون، وق وتكىزبەيتىن كيىم، قالقاندار، دۋلىعالار، رپگ سناريادى، تەگىس ۇڭعىلى مىلتىق، توعىز مىلتىق جانە ت.ب. انىقتالدى. ايعاقتى زاتتار تەرگەۋ-جەدەل توبىمەن پروسەسسۋالدىق تارتىپتە تاركىلەندى. قىلمىستىق ءىس ق ر قك-نىڭ 188-بابى 3-بولىگىمەن جانە ق ر قك-نىڭ 291-بابى 1-بولىگىمەن تىركەلدى. كۇدىكتىلەر ۋاقىتشا ۇستاۋ يزولياتورىنا قامالدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.