الماتى قالاسى ناۋرىزباي اۋدانىنىڭ قورعانىس ىستەرى جونىندەگى باسقارماسى اسكەري قىزمەتشىلەرى مەن قازاقستان قارۋلى كۇشتەرى ارداگەرلەر كەڭەسىنىڭ وكىلدەرى ۇلى وتان سوعىسىنىڭ ارداگەرى لەونيد نيكيتوۆيچ پودكولزيندى 98 جاسقا تولۋىمەن سالتاناتتى تۇردە قۇتتىقتادى، دەپ حابارلايدى aqshamnews.kz
لەونيد نيكيتوۆيچ 1926 جىلى نوۆوسيبيرسك وبلىسىنىڭ يسكەتينسك اۋدانى، تۋلا اۋىلىندا دۇنيەگە كەلگەن. سوعىس جىلدارىندا ول بەلورۋس مايدانىندا ارتيللەريست رەتىندە قىزمەت ەتىپ، ۇلكەن ەرلىك پەن توزىمدىلىك تانىتتى. سوعىس اياقتالعاننان كەيىن سەرجانت اتاعىندا كەنيگسبەرگكە جىبەرىلىپ، وندا جاس ساربازداردى ارتيللەريالىق قارۋدان اتۋ ونەرىنە ۇيرەتتى. 1952 جىلى لەونيد نيكيتوۆيچ الماتىعا قونىس اۋدارىپ، بەيبىت ومىرگە اتسالىستى. ول پاروۆوز ءماشينيسىنىڭ كومەكشىسى، اۆتوبازادا جۇرگىزۋشى بولىپ جۇمىس ىستەپ، كەيىن قالالىق دەپو شەبەرحاناسىنىڭ مەڭگەرۋشىسى بولدى.
لەونيد نيكيتوۆيچ سوعىس تۋرالى سيرەك اڭگىمەلەسكەندى ۇناتادى، ەستەلىكتەرىن وزىندە ساقتاعاندى ءجون كورەدى. الايدا، ول ءوز ويلارى مەن سەزىمدەرىن ەكى كىتابىندا بىلدىرگەن. 2009 جىلى جارىق كورگەن «زوۆۋششەي جيزنەي ۆەچنىي زوۆ» اتتى ءبىرىنشى كىتابىندا ءومىر تۋرالى تەرەڭ تولعانىستارى جازىلعان. 2024 جىلدىڭ مامىر ايىندا جاريالانعان «گولوس وتسوۆ» اتتى ەكىنشى كىتابى پاتريوتيزم مەن وتانعا دەگەن سۇيىسپەنشىلىككە تولى ولەڭدەر جيناعى بولىپ تابىلادى. بۇل ولەڭدەرىندە لەونيد نيكيتوۆيچ ماحاببات، ايىرىلىسۋ، ءومىر جانە ءولىم تاقىرىپتارىن دا قوزعايدى.
وتان الدىنداعى ەرلىكتەرى ءۇشىن لەونيد نيكيتوۆيچ كوپتەگەن ماراپاتتارعا يە بولدى، ولاردىڭ اراسىندا ۇلى وتان سوعىسىنىڭ وردەنى، «سوعىس ارداگەرى» وردەنى، «ەڭبەك ارداگەرى» وردەنى، گەورگيي جۋكوۆ مەدالى، «جەڭىستىڭ 20 جىلدىعى» مەدالى جانە باسقا دا مەرەيتويلىق مەدالدار بار.
بۇگىندە لەونيد نيكيتوۆيچ الماتى قالاسىندا قىزى ليۋدميلا لەونيدوۆنامەن بىرگە تۇرادى. سونداي-اق، ونىڭ ۇلى، ءۇش نەمەرەسى جانە ءتورت شوبەرەسى بار، ولار اتالارىن ماقتان تۇتادى.