الماتى اكىمى ەربولات دوسايەۆ ماڭگىلىك الاۋعا گۇل شوقتارىن قويۋ راسىمىنە قاتىستى
ۇلى وتان سوعىسىنداعى جەڭىستىڭ 80 جىلدىعىنا وراي الماتىداعى 28 گۆاردياشى-پانفيلوۆشىلار اتىنداعى ساياباقتا نەگىزگى مەرەكەلىك ءىس-شارالار ءوتتى. وسى جەردە قالا اكىمى ەربولات دوسايەۆتىڭ قاتىسۋىمەن ماڭگىلىك الاۋعا گۇل قويۋ ءراسىمى ۇيىمداستىرىلدى، دەپ حابارلايدى aqshamnews.kz
جينالعاندار سوعىستا قازا تاپقان قازاقستاندىق جاۋىنگەرلەردى ءبىر مينۋت ۇنسىزدىكپەن ەسكە الدى. ودان كەيىن قالا اكىمى، ۇلى وتان سوعىسىنىڭ ارداگەرلەرى، تىل ەڭبەككەرلەرى مەن ولاردىڭ تۋىستارى، اسكەريلەر، قۇقىق قورعاۋ ورگاندارىنىڭ وكىلدەرى، قوعام قايراتكەرلەرى جانە قالا تۇرعىندارى داڭق مەموريالىنا گۇل شوقتارىن قويدى.
aqshamnews.kz مايدانگەرلەردى مەرەكەمەن قۇتتىقتاپ، شايقاس الاڭدارىندا دا، ەڭبەك مايدانىندا دا كورسەتكەن ەرلىگى ءۇشىن العىس ءبىلدىردى.
سونداي-اق، زور دەنساۋلىق، باقىت پەن اماندىق تىلەدى. ارداگەرلەر مەن ولاردىڭ جاقىندارى قالا باسشىلىعىنا كورسەتكەن قۇرمەتى ءۇشىن العىس ايتىپ، الماتىلىقتارعا جانە بۇكىل قازاقستاندىقتارعا بەيبىت ءومىر مەن جاقسىلىق تىلەدى. ولار ەستەلىكتەرىمەن ءبولىسىپ، ولەڭ وقىپ، اسكەري اندەر ورىندادى.
ماڭگىلىك الاۋعا گۇل شوقتارىن قويعاننان كەيىن الماتى اكىمى ەربولات دوسايەۆ سوعىس ارداگەرلەرى جانە ولاردىڭ تۋىستارىمەن بىرگە وتان سوعىسى ارداگەرلەرى اللەياسىمەن ءجۇرىپ ءوتتى. مايدانگەرلەرمەن بەيرەسمي اڭگىمە بارىسىندا ەربولات دوسايەۆ ولاردىڭ ەرلىگىنە شىن جۇرەكتەن العىس ايتىپ، ءارقايسىسى ەل رۋحىنىڭ، وتانعا دەگەن ادالدىق پەن ەرلىكتىڭ ءتىرى بەينەسى ەكەنىن، بۇكىل ەلدىڭ ماقتانىشى ەكەنىن اتاپ ءوتتى.
28 گۆاردياشى-پانفيلوۆشىلار ساياباعىندا قالا تۇرعىندارى مەن قوناقتارى ءۇشىن دالا اسحاناسى ۇيىمداستىرىلىپ، قازاقستاندىق ارتيستەر سوعىس كەزىندەگى جانە سوعىستان كەيىنگى جىلداعى اندەردى ورىنداعان مەرەكەلىك كونسەرت ءوتتى.
جەڭىس كۇنى الماتىدا ب.مومىش ۇلى، ت.بيگەلدينوۆ، س.نۇرماعامبەتوۆ، س.لۋگانسكيي، ا.ءشارىپوۆ ەسكەرتكىشتەرىنە، سونداي-اق، «وتان ۇلدارىنا ماڭگىلىك تاعزىم»، «بەلگىسىز جاۋىنگەردىڭ مولاسى»، «وتان ءۇشىن شايقاستا قازا تاپقان باتىرلارعا ماڭگىلىك داڭق» مەموريالدارىنا گۇل شوقتارىن قويۋ راسىمدەرى دە ۇيىمداستىرىلدى.
سوعىس جىلدارى مايدانعا 1،2 ميلليون قازاقستاندىق اتتانعان. قازاقستاننان 100 مىڭنان استام جاۋىنگەر وردەن-مەدالدارمەن ماراپاتتالسا، 500-دەن اسا ادامعا كەڭەس وداعىنىڭ باتىرى اتاعى بەرىلگەن.
بۇگىندە الماتىدا ۇلى وتان سوعىسىنىڭ 21 ارداگەرى تۇرادى. جەڭىستىڭ 80 جىلدىعى قارساڭىندا قالانىڭ بارلىق 8 اۋدانىندا ارداگەرلەر اللەياسى اشىلدى. 28 گۆاردياشى-پانفيلوۆشىلار ساياباعىندا بيىكتىگى 6 مەتر بولاتىن 29 اتاۋلى جوكە اعاشى وتىرعىزىلدى. جالپى اللەيالاردا 200 جوكە اعاشى ەگىلدى.
- بۇگىن، جەڭىستىڭ 80 جىلدىعىنا وراي، الماتىدا اۋقىمدى مەرەكەلىك ءىس-شارالار وتەدى. 28 گۆاردياشى-پانفيلوۆشىلار ساياباعىنداعى باستى ساحنادا كونسەرتتىك باعدارلاما ساعات 21:00-گە دەيىن جالعاسادى.
- ساعات 19:00-دە كوكتوبە تەلەمۇناراسىندا ۇلى وتان سوعىسىندا ەرلىك كورسەتكەن قازاقستاندىق باتىرلاردىڭ ەسىمى جازىلعان مۋلتيمەديالىق قۇتتىقتاۋ كورسەتىلەدى. بۇل قازاق باتىرلارىنا دەگەن قۇرمەتتىڭ بەلگىسى.
- ساعات 21:00-دە اباي الاڭىندا 500-دەن استام درون قاتىساتىن ەرەكشە جارىق شوۋى بولادى.
اشىق اسپان استىندا جەڭىس اندەرى 10 جانە 11 مامىر كۇندەرى دە 28 گۆاردياشى-پانفيلوۆشىلار ساياباعىندا شىرقالادى.