2023 جىلعى 29 جەلتوقساندا ءماسليحات شەشىمىمەن الماتىنىڭ ديزاين-كودى بەكىتىلگەنى بەلگىلى.
بۇل تۋرالى 2025-2027 جىلدارعا ارنالعان قالا بيۋدجەتى قابىلدانعان قالا ءماسليحاتىنىڭ سەسسياسى بارىسىندا حابارلاندى، دەپ حابارلايدى aqshamnews.kz
بۇگىنگى تاڭدا اكىمدىك ماگيسترالدىق كوشەلەر بويىنداعى ۇيلەردىڭ قاسبەتتەرىن ساندىك-جارىق بەزەندىرۋ بويىنشا جاڭا ەرەجەلەر ازىرلەۋدە. بۇل قالانىڭ ۇيلەسىمدى كەلبەتىن قالىپتاستىرۋعا جانە تۇنگى ۋاقىتتا قالالىق ورتانىڭ جاقسى كورىنۋىنە مۇمكىندىك بەرەدى.
سونىمەن قاتار، قالانىڭ ەستەتيكالىق كەلبەتىن جاقسارتۋ ماقساتىندا 2022-2024 جىلدارى 5 ملرد تەڭگەگە 355 ءۇيدىڭ قاسبەتى جوندەلدى. 2025-2026 جىلدارى تاعى 296 قاسبەتتى جوندەۋ جوسپارلانۋدا.
ەستەرىڭىزگە سالا كەتەيىك، ديزاين كودى-ارقايسىسى جەكە باعىتتى سيپاتتايتىن قوسىمشالار جيىنتىعى. مۇنداي قوسىمشالاردىڭ التاۋى بار بولاتىن: سىرتقى اقپارات، ناۆيگاسيا، كوشە جيھازى، كوگالداندىرۋ، قاسبەتتەر مەن قورشاۋلار. الماتى اكىمىنىڭ تاپسىرماسى بويىنشا قالالىق نىسانداردى جارىقتاندىرۋ بويىنشا جەتىنشى قوسىمشا قوسىلدى.