الماتىداعى تۇرعىن ۇيلەردىڭ بىرىندە ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى، ۇيىنەن تىكەلەي زاڭسىز زاتتاردى تاراتىپ جۇرگەن 49 جاستاعى ەر ادامدى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
- ارنايى ءىس-شارانىڭ ناتيجەسىندە كۇدىكتىدەن وسىمدىك تەكتەس زات تاركىلەنىپ، سوت-حيميالىق ساراپتاماعا جىبەرىلدى. ەر ادامنىڭ وسى مەكەن-جايدا وتباسىمەن تۇرعانى بەلگىلى بولدى، ونىڭ جانۇياسى قاسكويدىڭ قىلمىستىق ارەكەتىنە كۋا بولعان. قازىرگى ۋاقىتتا ەسىرتكى ساتۋ دەرەگى بويىنشا قىلمىستىق ءىس قوزعالدى. كۇدىكتى ۇستالدى جانە ۋاقىتشا تەرگەۋ يزولياتورىنا قامالدى. سوتقا دەيىنگى تەرگەۋ جالعاسۋدا، - دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.