الماتىدا ءۇي جانۋارلارىن تەگىن زارارسىزداندىرۋ باعدارلاماسى جالعاسۋدا

الماتى قالاسىندا قاڭعىباس جانۋارلاردىڭ سانىن ىزگىلىكتى تۇردە رەتتەۋدىڭ 2021-2024 جىلدارعا ارنالعان باعدارلاماسىنىڭ شەڭبەرىندە ءۇي جانۋارلارىن تەگىن زارارسىزداندىرۋ جانە ءپىشتىرۋ باعدارلاماسىن جالعاستىرۋ كوزدەلگەن، ونىڭ شەڭبەرىندە شامامەن 9000 يت پەن مىسىقتى قامتۋ جوسپارلانىپ وتىر.

باعدارلامانى وتكىزۋ كەزەڭى 2022 جىلعى 1 شىلدەدەن 30 قاراشانى قوسا العانعا دەيىن

 باعدارلاماعا قاتىسۋعا Pet Control دەرەكتەر قورىندا سەنىمدى ەسەپكە الۋ ءۇشىن ۆەتەريناريالىق پاسپورتى مەن ميكروچيپى بار جانۋارلار جىبەرىلەدى. ميكروچيپى مەن پاسپورتى بولماعان جاعدايدا، ولاردى تومەندە اتالعان كەز كەلگەن ەمحانادان قوسىمشا اقى تولەپ الۋعا بولادى. يتتەر مەن مىسىقتاردى زارارسىزداندىرۋدىڭ جاس شەكتەۋى 7 ايدان 9 جاسقا دەيىن، توبەت يتتەر مەن ەر مىسىقتاردى زارارسىزداندىرۋدىڭ جاس شەكتەۋى 6 ايدان 9 جاسقا دەيىن.

 ءۇي جانۋارلارىن زارارسىزداندىرۋ جانە ءپىشتىرۋ بويىنشا قىزمەت:

- تىركەۋ كىتابىنا جانۋار يەسىنىڭ العاشقى شاعىمىن (انامنەز جيناۋ، وپەراسياعا جازىلۋ) تىركەۋدى؛

- جانۋارلاردى الدىن الا كلينيكالىق تەكسەرۋدى، وپەراسياعا قارسى كورسەتكىشتەردى (جۇكتىلىك، وۆۋلياسيا، يممۋنيتەتتىڭ تومەندەۋى، الدىن الا ەگۋدىڭ بولماۋى) انىقتاۋدى؛

- جانۋاردىڭ ءتىرى سالماعىن انىقتاۋدى جانە ناركوز مولشەرىن ەسەپتەۋدى؛

- الدىن الا ەمدەۋدى؛

- ناركوزعا ەنگىزۋدى؛

- جانۋاردى بەكەمدەپ بايلاۋدى؛

- وپەراسيا جاساۋ ورنىن دايىنداۋدى؛

- وپەراسيا جاساۋدى؛

- ساپاسى مەن قاۋىپسىزدىگىن راستايتىن قۇجاتتارى بار سىڭىرىلەتىن تىگىس ماتەريالدارىن قولدانۋدى؛

- ناركوزدان شىعارۋدى؛

- ەسەپكە الۋ كىتابىندا فيزيكالىق دەرەكتەردى تىركەۋدى؛

- جانۋاردى كۇندىزگى ستاسيونارعا كەمىندە 10 ساعات باقىلاۋعا جاتقىزۋدى؛

- وپەراسيادان كەيىنگى 3 كۇن ىشىندە وپەراسيا جاسالىنعان جانۋاردىڭ جاعدايىن باقىلاۋدى (تەلەفون ارقىلى)؛

- ىقتيمال اسقىنۋلاردى بولدىرماۋ ءۇشىن وپەراسيادان كەيىن 10-12 كۇن وتكەن سوڭ تىگىستەردىڭ جاعدايىن باقىلاۋدى قامتيدى. 

يتتەر مەن مىسىقتاردى تەگىن زارارسىزداندىرۋعا جانە پىشتىرۋگە ارنالعان ۆەتەريناريالىق ەمحانالاردىڭ مەكەنجايلارى

ءۇي جانۋارلارىن زارارسىزداندىرۋ جانە ءپىشتىرۋ مەملەكەتتىك باعدارلاماسىنا قاتىساتىن ۆەتەرينارلىق ەمحانالار تۋرالى قوسىمشا اقپارات اتالعان قىزمەتكە شارت جاسالعانىنا قاراي حابارلاناتىن بولادى.