الماتىدا ءۇي جانۋارلارىن تەگىن چيپتەۋ جانە تىركەۋ باعدارلاماسى 1 قاراشادان باستالادى

الماتى قالاسى كاسىپكەرلىك جانە ينۆەستيسيالار باسقارماسى قالا تۇرعىندارىن 2023 جىلعى 1 قاراشادان باستاپ، 20 جەلتوقساندى قوسا العاندا، ءۇي جانۋارلارىن تەگىن چيپتەۋ جانە تىركەۋ باعدارلاماسىنىڭ باستالاتىنى تۋرالى حاباردار ەتەدى. اتالعان باعدارلاما شەڭبەرىندە، 15 مىڭ ءۇي جانۋارىن (يتتەر مەن مىسىقتاردى) چيپتەۋ جانە تىركەۋ كوزدەلگەن، دەپ حابارلايدى almaty-akshamy.kz

قازاقستان رەسپۋبليكاسىنىڭ 2021 جىلعى 30 جەلتوقسانداعى № 97-VII قرز «جانۋارلارعا جاۋاپكەرشىلىكپەن قاراۋ تۋرالى» زاڭىنا، قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ 2022 جىلعى                                      20 مامىرداعى №169 «ءۇي جانۋارلارىن ەسەپكە الۋ قاعيداسىن جانە ەسەپكە الۋعا جاتاتىن ءۇي جانۋارلارىنىڭ تىزبەسىن بەكىتۋ تۋرالى» بۇيرىعىنا سايكەس، بارلىق ءۇي مىسىقتارى مەن يتتەرى بەلگىلەنگەن (بوليۋسپەن، چيپپەن، بىلەزىكپەن نەمەسە مويىن جاعاسىمەن، ەلەكتروندىق بەلگىسىمەن، قۇلاق سىرعالارىمەن نەمەسە باسىلعان تاڭبامەن) جانە «TANBA» ءۇي جانۋارلارىن ەسەپكە الۋدىڭ ءبىرىڭعاي بازاسىندا تىركەلگەن بولۋى ءتيىس.

الماتى قالاسىنىڭ تۇرعىندارى ءۇشىن «TANBA» ەسەپكە الۋدىڭ ءبىرىڭعاي بازاسىندا تەگىن چيپتەۋ جانە تىركەۋ ءراسىمى  كەلەسى ۆەتەريناريالىق ەمحانالاردا جۇرگىزىلەدى:

1. «ALLVET» ۆەتەريناريالىق ەمحاناسى، مەكەنجايى: تولە بي كوشەسى، 279 ب، تەل: 8 (747) 438-38-87؛


2. «ماستينو» ۆەتەريناريالىق ەمحاناسى، مەكەنجايى: ەسەنبەرلين كوشەسى، 217، تەل: 8 (707) 327-44-88؛


3. «بارىس» ۆەتەريناريالىق ەمحاناسى، مەكەنجايى: رايىمبەك داڭعىلى، 223 «ب»، تەل: 8 (707) 123-49-00؛


4. «ۆەتستانسيا» ۆەتەريناريالىق ەمحاناسى، مەكەنجايى: سەيفۋللين داڭعىلى، 49، تەل: 8 (701) 757-77-27؛


5. «MedVet» ۆەتەريناريالىق ەمحاناسى، مەكەنجايى: لۋگانسكيي كوشەسى، 54/1ۆ، تەل: 8 (708)699-19-43؛


6. «DOG PREMIUM» ۆەتەريناريالىق ەمحاناسى، مەكەنجايى: گريبوەدوۆ كوشەسى، №105، تەل: 8 (707) 339-33-28؛


7. «حۆوستيكي» ۆەتەريناريالىق ەمحاناسى، مەكەنجايى: جاندوسوۆ كوشەسى، 54، تەل: 8 (708) 983-43-13؛


8. «ايبوليت» ۆەتەريناريالىق ەمحاناسى، مەكەنجايى: اباي داڭعىلى، 26، تەل: 8 (708) 972-02-07.

راسىمنەن ءوتۋ ءۇشىن، جانۋار يەسى جوعارىدا اتالعان مەكەنجايلاردىڭ بىرىنە جانۋارىمەن بىرگە بارىپ، ءوتىنىش جاساۋى قاجەت. جانۋار يەسىنىڭ وزىمەن بىرگە جەكە كۋالىگى، ءموبيلدى تەلەفونى جانە بار بولعان جاعدايدا، جانۋاردىڭ ۆەتەريناريالىق پاسپورتى (بولماعان جاعدايدا، جانۋار يەسىنىڭ ەسەبىنەن ۆەتەريناريالىق ەمحانادا رەسىمدەلەدى) بولۋى ءتيىس.

ۆەتەريناريالىق ماماندار جانۋارعا ميكروچيپ ورناتادى، جانۋاردىڭ جانە ونىڭ يەسىنىڭ دەرەكتەرىن «TANBA» ءۇي جانۋارلارىن ەسەپكە الۋدىڭ ءبىرىڭعاي بازاسىنا ەنگىزەدى، سونان سوڭ جانۋار يەسىنىڭ ءموبيلدى نومىرىنە Kezekte.kz التى بەلگىلىك راستاۋ كودى بار 1414 (e-gov) نومىرىنەن سمس حابارلاما كەلەدى، ونى جانۋاردىڭ جەكە باسىن راستاۋ ءۇشىن، 30 سەكۋند ىشىندە ۆەتەريناريا مامانىنا حابارلاۋ كەرەك.

قوسىمشا رەتىندە، بارلىق تۋىنداعان سۇراقتار بويىنشا كورسەتىلگەن قىزمەت ورنىنداعى ۆەتەريناريا مامانىنان كەڭەس الۋعا بولادى.

سونداي-اق قوسىمشا رەتىندە، اتالعان قىزمەتتى ۇسىنا وتىرىپ، ءۇي-ۇيدى ارالاپ تەكسەرۋ جۇمىسى كوزدەلگەن، ءوتىنىش بەرۋ ءۇشىن بايلانىس دەرەكتەرى:

1. الاتاۋ اۋدانى – 8 (707) 123-49-00؛


2. المالى اۋدانى – 8 (707) 123-49-00؛


3. اۋەزوۆ اۋدانى – 8 (747) 438-38-87؛


4. بوستاندىق اۋدانى – 8 (707) 123-49-00؛


5. جەتىسۋ اۋدانى – 8 (707) 123-49-00؛


6. مەدەۋ اۋدانى – 8 (707) 123-49-00؛


7. ناۋرىزباي اۋدانى – 8 (747) 438-38-87؛


8. تۇركسىب اۋدانى – 8 (747) 438-38-87.