الماتى قالاسىنىڭ جەرگىلىكتى پوليسيا قىزمەتى 16 قىركۇيەكتە باستالعان «ۋچاستكە» رەسپۋبليكالىق ءىس-شاراسىنىڭ اياقتالعانىن مالىمدەدى.
ونىڭ قورىتىندىسى 15 جەلتوقساندا جاريالانباق، دەپ حابارلايدى aqshamnews.kz.
– بۇل الدىن الۋ شاراسىنىڭ باستى ماقساتى – ازاماتتار مەن پوليسيا اراسىنداعى سەنىمدى قارىم-قاتىناستى نىعايتۋ، كوپقاباتتى ۇيلەردىڭ شاتىر كەڭىستىكتەرىن تەكسەرۋ ارقىلى قۇقىق بۇزۋشىلىقتاردىڭ الدىن الۋ جانە ولاردىڭ جولىن كەسۋ. ءۇش ايدىڭ ىشىندە الماتى قالاسىنىڭ پوليسيا قىزمەتكەرلەرى 516 مىڭنان استام تۇرعىن ءۇي القابىن جانە 12 مىڭنان اسا ساياجاي ايماعىن ارالاپ شىقتى. سونىمەن قاتار، تۇرعىلىقتى مەكەنجايى بويىنشا ەسەپتە تۇرعان 5 363 ادام، 321 قولايسىز وتباسى جانە 36 مىڭنان استام تىركەلگەن قارۋ يەلەرى تەكسەرۋدەن ءوتتى. ناتيجەسىندە بارلىعى 12 231 ادام اكىمشىلىك جاۋاپكەرشىلىككە تارتىلدى. ولاردىڭ كوپشىلىگى قالادا تىركەۋسىز تۇرىپ، قوعامدىق ءتارتىپ پەن قالانى اباتتاندىرۋ ەرەجەلەرىن بۇزعانى ءۇشىن جاۋاپقا تارتىلدى. بۇعان قوسا، ءىس-شارا بارىسىندا پوليسيا قىزمەتكەرلەرى ەسىرتكى ساتۋعا قاتىستى 10 مىڭنان استام جازۋدى انىقتاپ، جويدى، – دەيدى الماتى قالالىق پوليسيا دەپارتامەنتى جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.