الماتىدا پرەزيدەنت تاپسىرماسى اياسىندا «جۇرتقا جاقىن پوليسيا» جاڭا فورماتى بويىنشا كەشەندى شارالار قابىلدانىپ جاتىر، دەپ حابارلايدى اlmaty-akshamy.kz.
«جۇرتقا جاقىن پوليسيا» قاعيداتىن جۇزەگە اسىراتىن باسىم بۋىن – ۋچاسكەلىك پوليسيا ينسپەكتورلارى. 2020 جىلى ينسپەكتورلاردىڭ سانى نەبارى 480 بولاتىن. ءبىزدىڭ شاھار ءۇشىن جەتكىلىكسىز ەدى. سوندىقتان، وتكەن جىلى اكىمدىكتىڭ قولداۋىمەن 113 ۋچاسكەلىك پوليسيا كومەكشىسى ۋچاسكەلىك ينسپەكتور لاۋازىمىنا اۋىستىرىلدى. وسىلايشا، بۇگىندە قالادا 593 ۋچاسكەلىك ينسپەكتور جۇمىس ىستەيدى، بۇل قۇقىق بۇزۋشىلىقپەن كۇرەستىڭ تيىمدىلىگىن ايتارلىقتاي ارتتىرادى»، – دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.
سونىمەن قاتار، بىلتىر 3 جىلدىق جوسپار بەكىتىلدى. وندا پوليسيانىڭ ۋچاسكەلىك پۋنكتتەرى ءۇشىن 29 عيماراتتى كەزەڭ-كەزەڭىمەن الۋ كوزدەلگەن. جاڭا تۇرعىن ءۇي كەشەندەرىنەن 9 بولمە ساتىپ الىندى.
«بۇگىندە ۋچاسكەلىك ينسپەكتورلار ءموبيلدى جانە ۇنەمى بايلانىستا. ءاربىر ۋچاسكەلىك پوليسيا قىزمەتكەرى پيك-پەن جانە اۋدان تۇرعىندارىمەن چات، مەسسەندجەر ارقىلى بايلانىس ورناتقان. بارلىق سۇراقتار ولارعا تىكەلەي جولدانادى. وسى ءتاسىلدىڭ ارقاسىندا ءبىز تۇرعىنداردان تۇسەتىن وتىنىشتەردىڭ سانىن 2،5 ەسەگە قىسقارتتىق. سونىمەن قاتار، بارلىق اۋداندىق پوليسيا بولىمدەرىندە فرونت-كەڭسەلەر جۇمىس ىستەيدى. ازاماتتارعا اشىق بولۋ ءۇشىن بارلىق شارالاردى قولدانىپ وتىرمىز. مەملەكەت باسشىسىنىڭ تاپسىرماسىن ورىنداۋ ماقساتىندا وتكەن جىلى بارلىق تەرگەۋشى، انىقتاۋشى مەن جەدەل ۋاكىلدەردىڭ كابينەتتەرىنە بەينەباقىلاۋ كامەرالارىن ورناتتىق. ەندى بيىل بارلىق ۋچاسكەلىك پوليسيا پۋنكتتەرىندە بەينەكامەرالار ورناتىلادى»، - دەدى الماتىنىڭ باس پوليسەيى.