نارەستەگە ياسمينا دەگەن ادەمى ەسىم بەرگەن.
تۇركياداعى جويقىن ءزىلزالادان زارداپ شەككەندەردى ىزدەستىرۋ-قۇتقارۋ جۇمىسىنا اتسالىسىپ جاتقان قۇتقارۋشى ءبىرجان بايقۇلوۆتىڭ وتباسىندا قۋانىش بولدى، دەپ حابارلايدى اlmaty-akshamy.kz تجم باسپا ءسوز قىزمەتىنە سىلتەمە جاساپ.
«تۇركياداعى جويقىن جەر سىلكىنىسىنىڭ زاردابىن جويۋعا قاتىسىپ جاتقان قازاقستاندىق قۇتقارۋشىلاردىڭ ۇلكەن كومانداسىنىڭ قۇرامىنداعى تجم رەسپۋبليكالىق جەدەل-قۇتقارۋ جاساعىنىڭ باس قۇتقارۋشىسى ءبىرجان بايقۇلوۆتىڭ بۇگىن الماتىدا قىزى دۇنيەگە كەلدى. قىزعا ياسمينا دەگەن ادەمى ەسىم بەرگەن.
ءبىز ەرجۇرەك قۇتقارۋشىمىزدى قىزىنىڭ دۇنيەگە كەلۋىمەن قۇتتىقتايمىز جانە وعان زور دەنساۋلىق تىلەيمىز. ال ءبىرجاننىڭ وزىنە وتانىنا تەزىرەك امان-ەسەن ورالۋىنا تىلەكتەسپىز! قىزمەتى ءۇشىن العىس ايتامىز!» - دەلىنگەن قازاقستان توتەنشە جاعدايلار مينيسترلىگىنىڭ باسپا ءسوز قىزمەتى تاراتقان حابارلامادا.