ناۋرىز مەيرامى ۇلتتىق مەرەكەسىن تويلاۋ اياسىندا الماتى قالاسىنىڭ تۋريزم باسقارماسى الماتى حالىقارالىق اۋەجايىمەن، الماتى "جەتىسۋ" كەدەن بەكەتى ق ر ۇقق شەكارا قىزمەتىن باقىلاۋ باسقارماسىمەن بىرلەسىپ "سىيلىققا ءتاتتى كادەسىي" اكسياسىن وتكىزدى، دەپ حابارلايدى Almaty-akshamy.kz
اكسيا اياسىندا حالىقارالىق جولاۋشىلار تەرمينالىنداعى ءتولقۇجاتتى باقىلاۋ جانە كەدەندىك بەكەتكە كەلگەن ءاربىر تۋريستكە ەلىمىزدىڭ جايلىلىعى مەن قوناقجايلىلىعىن بەينەلەيتىن پەچەنە جانە شوكولاد تۇرىندەگى ەرەكشە ءتاتتى سىيلىق بەرىلدى.
قازاق كيىز ءۇي تۇرىندەگى پەچەنە - قازاق حالقىنىڭ ءداستۇرلى ءومىر سالتىن بەينەلەيدى. بۇل قازاقستاننىڭ باي مادەني مۇراسىن ەسكە سالادى.
"بۇل ناۋقان ءبىزدىڭ مادەنيەت پەن داستۇرلەرگە نازار اۋدارۋ باعىتىنداعى ماڭىزدى قادام. ءبىز جىل سايىن ەلىمىزدىڭ مادەني مۇراسىنىڭ ماڭىزدىلىعىن اتاپ ءوتۋ ءۇشىن وسىنداي اكسيالاردى وتكىزۋگە تىرىسامىز.
مۇنداي وقيعالار قوناقتارىمىزدىڭ كوڭىلىن كوتەرۋمەن قاتار، تاريحىمىز بەن مادەنيەتىمىزدى تۇسىنۋگە جانە قۇرمەتتەۋگە سەپتىگىن تيگىزەدى"، - دەدى الماتى قالاسى تۋريزم باسقارماسىنىڭ باسشىسى عاليا توقسەيىتوۆا.
ءىس-شارانىڭ باستى ماقساتى - تۋريستەردى تارتۋ، تۋريستتەردى قابىلداۋ تاجىريبەسىن جەتىلدىرۋ، ەلدىڭ تاريحي جانە مادەني مۇراسىمەن تانىستىرۋ.