وقۋشىلار مەن جاقىن ماڭداعى شاعىن اۋدان تۇرعىندارىنىڭ قاۋىپسىزدىگى ءۇشىن رىسقۇلوۆ داڭعىلىندا، «پاراسات» تۇرعىن ءۇي كەشەنىنىڭ جانىندا جەر ءۇستى جاياۋ جۇرگىنشىلەر وتكەلى سالىندى، دەپ حابارلايدى almaty-akshamy.kz
رىسقۇلوۆ داڭعىلى مەن سازانوۆسكايا كوشەلەرىنىڭ قيىلىندا ورتاسىندا ءبولۋ جولاعى بار 3 جولاقتى كولىك قۇرالدارىنىڭ قوزعالىسى ۇيىمداستىرىلعان. بۇعان دەيىن بۇل جول قوزعالىسى ەرەجەسىن بۇزىپ، جولدى كەسىپ وتكەن جاياۋ جۇرگىنشىلەرگە ايتارلىقتاي ءقاۋىپ توندىرگەن.
حالىقتىڭ ىرگەلەس اۋماققا كوپتەپ قونىستانۋىنا بايلانىستى وسى جول تەلىمىندە ءقاۋىپسىز ءوتۋدىڭ قاجەتتىلىگى تۋىندادى. الماتى اكىمى ەربولات دوسايەۆپەن كەزدەسۋدە تۇرعىندار وسى اۋداندا جەر ءۇستى وتكەلىن ورناتۋدى سۇراعان.
قىسقا مەرزىمدە جاياۋ جۇرگىنشىلەر كوپىرىن سالۋ جوباسى ازىرلەندى، ول 2023 جىلدىڭ 2 توقسانىندا باستالىپ، قىركۇيەكتە اياقتالدى.
جەر ءۇستى جاياۋ جۇرگىنشىلەر وتكەلىنىڭ قۇرىلىسى كولىك قوزعالىسى مەن تروتۋار بويىنداعى جاياۋ جۇرگىنشىلەردىڭ ءجۇرىسىن شەكتەمەي وتە قىسىلتاياڭ جاعدايدا جۇرگىزىلدى.
جاياۋ جۇرگىنشىلەر وتكەلى بارلىق تالاپ پەن ستاندارتقا، سونىڭ ىشىندە مۇمكىندىگى شەكتەۋلى جاندارعا ارنالىپ سالىنعان. اتاپ ايتقاندا، جاياۋ جۇرگىنشىلەر كوپىرى كوتەرگىش قۇرىلعىمەن جابدىقتالعان، وندا تىرەك-قيمىل اپپاراتى بۇزىلعان ادامداردىڭ (مۇگەدەك اربامەن جۇرەتىن) ءجۇرىس-تۇرىسى ءۇشىن بارلىق قاجەتتى شەشىم قاراستىرىلعان، ال ەنەرگيامەن جابدىقتاۋدا ۇزىلىستەر بولسا اپاتتىق توق گەنەراتورى قاراستىرىلعان. بۇعان قوسا، جاياۋ جۇرگىنشىلەر وتكەلىندە تاكتيلدى تاقتالار ورناتىلعان.
جاياۋ جۇرگىنشىلەر كوپىرىنىڭ ارالىق قۇرىلىمى اركا ءتارىزدى، كوپىردىڭ تىرەۋىشىنە بەرىك بولات پايدالانىلىپ، مەتالل كونسترۋكسيادان جاسالعان، بۇل سەيسميكالىق جاعدايىندا بۇكىل قۇرىلىمنىڭ تۇراقتىلىعىن قامتاماسىز ەتەدى.