ءورت سالدارىنان 13 ادام كوز جۇمدى
الماتى قالاسى تجد-عا 30 قاراشا تاڭعى ساعات 05:33-تە ادي ءشارىپوۆ كوشەسىندەگى عيمارات ورتەنىپ جاتقانى تۋرالى اقپارات تۇسكەن.
ءبىرىنشى ءورت ءسوندىرۋ ءبولىمى وقيعا ورنىنا 7 مينۋتتا جەتكەن. ولار بىردەن عيماراتتىڭ ءبىرىنشى قاباتى مەن جەرتولەسى جاتاحاناعا اينالعان 3-قاباتتى تۇرعىن ءۇيدىڭ جانىپ جاتقانىن كورگەن.
الدىن-الا اقپارات بويىنشا ءورتتىڭ جالپى اۋدانى – 30 شارشى مەتر.
ءورت تاڭعى ساعات 06:22-دە ءسوندىرىلدى. الدىن-الا اقپاراتقا سايكەس ورتتەن 13 ادام قازا تاپتى. ولاردىڭ جەكە باسى انىقتالىپ جاتىر. ادامدار كومىرتەگى توتىعىمەن ۋلانۋدان قايتىس بولعان، – دەپ جازىلعان قالالىق تجد باسپا ءسوز قىزمەتى تاراتقان اقپاراتتا.
ءورتتى سوندىرۋگە 46 مامان مەن 13 تەحنيكا جۇمىلدىرىلدى. ءورت سەبەبى مەن ادامداردىڭ ناقتى نەدەن قايتىس بولعانى انىقتالىپ جاتىر.