بۇل وقيعاعا قاتىستى پوليسيا قىلمىستىق ءىس قوزعادى.
الەۋمەتتىك جەلىدە 2025 جىلى 5 ساۋىردە الماتىداعى تۇرعىن ءۇي كەشەندەرىنىڭ بىرىندە كۇزەتشىنىڭ اياۋسىز سوققىعا جىعىلعانى تۇسىرىلگەن ۆيدەو تارادى، دەپ حابارلايدى aqshamnews.kz
وقيعا كۋاگەرلەرىنىڭ ايتۋىنشا، جۇرگىزۋشى شلاگباۋمنىڭ تەز اشىلماعانىنا اشۋلانىپ، سيگنال بەرە باستاعان. تۇرعىن ءۇي كەشەنىنىڭ كۇزەتشىسى وعان ەسكەرتۋ ايتىپ، ودان كەيىن ەر ادام جۇدىرىقپەن ۇرعان.
"بوستاندىق اۋداندىق پوليسيا باسقارماسى ۇرىپ-سوعۋ دەرەگى بويىنشا قىلمىستىق ءىس قوزعادى. كۇدىكتى پوليسياعا جەتكىزىلدى. ءىس جۇرگىزۋدىڭ تولىقتىعى، جان-جاقتىلىعى جانە وبەكتيۆتىلىگى قاعيداتتارىن قامتاماسىز ەتۋگە باعىتتالعان تەرگەۋ شارالارىنىڭ كەشەنى جۇرگىزىلىپ جاتىر"، - دەپ حابارلادى الماتى پوليسيا دەپارتامەنتىنىڭ باسپا ءسوز قىزمەتى.