المالى اۋداندىق پوليسيا باسقارماسىنىڭ قىزمەتكەرلەرى ۋچاسكەلىك ينسپەكتورلاردىڭ، يۋۆەنالدى پوليسيانىڭ، كريمينالدىق پوليسيانىڭ جانە كوشى-قون قىزمەتىنىڭ قاتىسۋىمەن پروفيلاكتيكالىق ءىس-شارا وتكىزدى، دەپ حابارلايدى aqshamnews.kz Polisia.kz-كە سىلتەمە جاساپ.
رەيدتىڭ ماقساتى – تۇنگى ۋاقىتتا تۇرعىنداردىڭ مازاسىن ءجيى الاتىن ويىن-ساۋىق مەكەمەلەرىنىڭ زاڭناما تالاپتارىن ساقتاۋىن باقىلاۋ. تەكسەرۋ بارىسىندا قوعامدىق ءتارتىپتى بۇزۋ، عيماراتتا كامەلەتكە تولماعانداردىڭ بولۋ ەرەجەلەرىن ساقتاماۋ جانە كوشى-قون زاڭناماسىن بۇزۋ دەرەكتەرى انىقتالدى. مىسالى، بارلاردىڭ بىرىندە تىنىشتىقتى جانە كوشى-قون ەرەجەلەرىن بۇزۋعا قاتىستى ءتورت اكىمشىلىك قۇقىق بۇزۋشىلىق تىركەلدى. تاعى ءبىر مەكەمەدە وسىنداي ەكى دەرەك انىقتالدى. سونداي-اق تەمەكى ونىمدەرىن، كاليان مەن ەلەكتروندى شىلىمداردى شەگۋگە تىيىم سالۋ تالاپتارىن بۇزۋدىڭ 17 دەرەگى تىركەلدى.
- مۇنداي ءىس-شارالار تۇراقتى تۇردە وتكىزىلەدى. باستى ماقسات – قۇقىق بۇزۋشىلىقتاردىڭ الدىن الۋ، تۇرعىنداردىڭ تىنىشتىعى مەن قاۋىپسىزدىگىن ساقتاۋ. الماتى پوليسياسى بۇل باعىتتا جۇيەلى تۇردە جۇمىسىن جالعاستىراتىن بولادى. سونىمەن قاتار ويىن-ساۋىق ورىندارىنىڭ يەلەرىنە زاڭ تالاپتارىن قاتاڭ ساقتاۋدىڭ، قاۋىپسىزدىك پەن قۇقىقتىق ءتارتىپتى قامتاماسىز ەتۋدىڭ، سونداي-اق كامەلەتكە تولماعانداردىڭ تۇنگى كلۋبتار مەن بارلاردا بولۋىنا جول بەرمەۋدىڭ ماڭىزدىلىعىن ەسكە سالامىز، – دەدى المالى اۋداندىق پوليسيا باسقارماسى باستىعىنىڭ ورىنباسارى ەرجان ورازايەۆ.