پوليسيانىڭ ارنايى جاساعى مەن ەققىقب جەدەل قىزمەتكەرلەرى ءساۋىر ايىندا الماتىنىڭ مەدەۋ اۋدانىندا ورنالاسقان بارلاردىڭ بىرىندە ارنايى ءىس-شارا جۇرگىزگەن بولاتىن.
ونى “ەسىرتكى بيزنەسىنە قارسى كۇرەس” جوباسى اياسىندا قالالىق پروكۋراتۋرا ۇيلەستىردى، دەپ حابارلايدى Almaty-akshamy.kz Polisia.kz-كە سىلتەمە جاساپيۋ
«تۇنگى ساعات ەكىدە تۇنگى كلۋبتا 19 جاستاعى ت.ەسىمدى ازامات ۇستالدى، ونىڭ وڭ جاق شالبارىنىڭ قالتاسىنان كوك ءتۇستى يزولەنتاعا ورالعان، ۇنتاق پەن كەسەك ءپىشىندى، اشىق ءتۇستى سينتەتيكالىق زات سالىنعان ءۇش بايلام تابىلدى. جۇمىس نۇسقالارىنىڭ بىرىنە سايكەس، بۇل مەفەدرون ەسىرتكىسى. زاتتىڭ ناقتى كىمدىكى ەكەندىگىن انىقتاۋ ءۇشىن سوت-حيميالىق ساراپتاما تاعايىندالدى. ۇستالعان ازامات ق ر قىجك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى. ق ر قك-نىڭ 297-بابى 1-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن 19 جاستاعى ت.ەسىمدى ازامات ق ر قك-نىڭ 297-بابى 3-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلدى جانە 10 جىلعا باس بوستاندىعىنان ايىرىلدى.