جارىسقا مەگاپوليس تۇرعىندارى عانا ەمەس، وبلىستاردان دا اۋەسقوي سپورتشىلار قاتىستى.
الداعى ۋاقىتتا بۇل شارا حالىقارالىق دەڭگەيدە وتەتىن بولدى، دەپ حابارلايدى Almaty-akshamy.kz 24.kz-كە سىلتەمە جاساپ.
وسى جولى قىرعىز ەلىنەن بىرنەشە ۆەلوشابوندوز ارنايى كەلدى. جارىس ءۇش سانات بويىنشا ءوتتى. تاڭعى ساعات التىدا جارىس جولىنا 48 جارىم شاقىرىم قاشىقتىقتا ب ا ق سىنايتىن ۆەلوشاباندوزدار شىقتى. ودان كەيىنگى قاتىسۋشىلار 33 شاقىرىمدى ءساتتى باعىندىردى. دودانى جاسوسپىرىمدەر اياقتادى. ولار ۆەلوسيپەدپەن 14 شاقىرىمدى ءجۇرىپ ءوتتى. جەڭىمپازدىڭ بارلىعى ەستەلىك مەدالمەن جانە باعالى سىيلىقپەن ماراپاتتالدى. ال ءابسوليۋتتى ساناتتا ۇزدىك دەپ تانىلعاندار اقشالاي سىيلىققا يە بولدى.
«بۇقارالىق سپورتتى جانە سالاۋاتتى ءومىر سالتىن دامىتۋ جەتىلدىرۋ ماقساتىندا ۇيىمداستىرىلىپ جاتىر. وسى جولى اۋەسقويلارعا ارنالعان. ءبىراق كاسىپقوي دەڭگەيىندە ۇيىمداستىرىلعان جارىسىمىز 8 رەت وتۋدە 2014 جىلدان باستاپ. وسى جولى 700-گە جۋىق ادام قاتىستى. وسى جىلى الماتى ارەنا ءبىزدى قوناقجايلىقپەن قابىلدادى»، - دەيدى ۇيىمداستىرۋشى يسا قالقا.