ۇزىندىعى 206 كم-دەن اساتىن 212 كوشەدە ورتاشا جوندەۋ جۇمىسى جۇرگىزىلۋدە.
الماتى قالاسىنىڭ اكىمى باقىتجان ساعىنتايەۆ جاڭا ىقشاماۋدانداردا، سونداي-اق نەگىزگى كوشەلەر مەن شەتتەردەگى جولداردىڭ قۇرىلىسى مەن جوندەلۋى تۋرالى ايتتى، دەپ حابارلايدى Almaty-akshamy.kz.
الماتى قالاسىنىڭ اكىمى باقىتجان ساعىنتايەۆ ءوزىنىڭ Instagram-داعى اككاۋنتىندا مەگاپوليستىڭ جولدارى تۇرعىنداردىڭ ۇتقىرلىعىن ارتتىرۋ جانە قايدا تۇرعاندارىنا قاراماستان جايلى جاعدايلار جاساۋ ءۇشىن سالىنىپ جاتقانىن اتاپ ايتتى.
«جولدى جاقسارتۋ بويىنشا اۋقىمدى جۇمىس جالعاسۋدا – جاڭا جول سالىپ، بار جولدى جوندەپ، ۇزارتۋدامىز. جاقىندا الاتاۋ كوشەسىنىڭ سابدەنوۆ كوشەسىنەن رايىمبەك داڭعىلىنا دەيىنگى 2 شاقىرىمدىق ۋچاسكەسى اشىلدى. ءتورت جولاقتى جول ناۋرىزباي اۋدانىنىڭ اكىمشىلىك ورتالىعىن قالانىڭ ءىرى ماگيسترالىمەن بايلانىستىردى. اباي داڭعىلىن تەسۋ اياقتالعان سوڭ قالا ورتالىعىمەن كولىك قاتىناسى ەداۋىر جاقسارادى»، - دەپ جازدى باقىتجان ساعىنتايەۆ.
"جاڭا الماتىنى" دامىتۋدىڭ كەشەندى جوسپارى اياسىندا الاتاۋ، تۇركسىب پەن ناۋرىزباي اۋداندارىنا قاراستى سەگىز ىقشاماۋدانداعى 415 كوشەدە 108 شاقىرىم جول سالىنۋدا. 153 مىڭنان استام تۇرعىننىڭ موبيلدىلىگى مەن جايلىلىعى ارتادى. سونداي-اق، بيىل مەدەۋ اۋدانىنداعى دۋمان ىقشاماۋداننىڭ 59 كوشەسىندە، ياعني 30،5 كم جولدىڭ كۇردەلى جوندەۋ جۇمىسى اياقتالادى.
ۇزىندىعى 206 كم-دەن اساتىن 212 كوشەدە ورتاشا جوندەۋ جۇمىسى جۇرگىزىلۋدە. سونىڭ 20-سى ماگيسترالدى، ۇزىندىعى 43 كم-گە جەتەدى. ول رىسقۇلوۆ، ءسۇيىنباي، سەيفۋللين، رايىمبەك داڭعىلى، سونداي-اق ساتپايەۆ، كۋدەرين، جانسۇگىروۆ، ياسساۋي، شالياپين، مومىش ۇلى، جاندوسوۆ، قۇرمانعازى كوشەلەرى مەن ت.ب. جوندەۋ جۇمىسىنىڭ جالپى كولەمىنىڭ شامامەن 20%-ىن اياقتاۋ قالدى.
جالپى، 237 شاقىرىم جولدا ورتاشا جانە كۇردەلى جوندەۋ جۇرگىزىلەدى. 71 شاقىرىم ينجەنەرلىك جەلىلەر سالىنعاننان كەيىن قالپىنا كەلتىرىلەدى. ال 70 شاقىرىم جول ءبىرىنشى رەت سالىنادى.
سونىمەن قاتار، الماتىدا Vision Zero تۇجىرىمداماسى اياسىندا تراپەسيا ءتارىزدى جاساندى كەدەرگىلەر، مۇيىستەر مەن ءقاۋىپسىز ايماقتار ورناتىلۋدا. وسىلايشا موڭكە بي كوشەسىندە، مومىش ۇلى كوشەسىندە (شالياپين كوشەسىنەن رايىمبەك داڭعىلىنا دەيىن)، ءشارىپوۆ كوشەسىندە (گوگول كوشەسىنەن بوگەنباي باتىر كوشەسىنە دەيىن) جانە كۋدەرين كوشەسىندە (رىسقۇلوۆ داڭعىلىنىڭ قيىلىسىنان رايىمبەك داڭعىلىنا دەيىن) جاياۋ جۇرگىنشىلەردىڭ قاتىسۋىمەن بولاتىن جازاتايىم وقيعالار مەن جول-كولىك وقيعالارىنداعى جاراقاتتانۋ دەڭگەيى تومەندەيتىن بولادى.
سونداي-اق، قۇرمانعازى كوشەلەرىندە (پۋشكين كوشەسىنەن دوستىق داڭعىلىنا دەيىن)، ياسساۋي (رايىمبەك داڭعىلىنان تولە بي كوشەسىنە دەيىن)، ەسەنبەرلين (ورمانوۆ كوشەسىنەن تاتتىبەكوۆ كوشەسىنە دەيىن)، يابلوچنايا (شااج-دان بۋتاكوۆسكايا كوشەسىنە دەيىن) جانە رايىمبەك داڭعىلى (تىلەندييەۆ كوشەسىنەن وتەگەن باتىر كوشەسىنە دەيىن) جول قاۋىپسىزدىگىن قامتاماسىز ەتەتىن قۇرىلعىلاردى كوشەلەرگە ورناتۋ جوسپارلانۋدا.
جول قوزعالىسىن باسقارۋ پروسەستەرىن اۆتوماتتاندىرۋ جالعاسۋدا. بۇگىنگى كۇنى قباج (قوزعالىستى باسقارۋدىڭ اۆتوماتتاندىرىلعان جۇيەسى) مودەرنيزاسيالاۋدىڭ ءبىرىنشى كەزەڭى اياقتالدى، وندا 93 باعدارشام وبەكتىسى جۇيەگە قوسىلعان. باسقارۋ ورتالىق باسقارۋ ورتالىعىنىڭ ءۇي-جايىنان جۇزەگە اسىرىلادى. قازىرگى ۋاقىتتا پايدالانۋعا بەرۋ جۇمىستارى جۇرگىزىلۋدە. 2022 جىلعا جوسپارلانعان ەكىنشى كەزەڭ 357 باعدارشامدى قابج-عا قوسۋدى كوزدەيدى.
جاياۋ جۇرگىنشىلەردىڭ، اسىرەسە، بالالاردىڭ قاۋىپسىزدىگىن جاقسارتۋ ماقساتىندا 40 باعدارشام وبەكتىسىنىڭ، 70 رەتتەلەتىن جاياۋ جۇرگىنشىلەر وتكەلىنىڭ قۇرىلىسى جانە 70 رەتتەلمەيتىن جاياۋ جۇرگىنشىلەر وتكەلىن قوسىمشا جارىقتاندىرۋمەن جابدىقتاۋ باستالدى. سونىڭ ىشىندە مەكتەپتەر جانىندا 5 باعدارشام وبەكتىسى سالىنادى، رەتتەلەتىن 24 جاياۋ جۇرگىنشىلەر وتكەلى جانە 24 رەتتەلمەيتىن جاياۋ جۇرگىنشىلەر ءوتۋى LED-جارىقتاندىرۋمەن جابدىقتالادى.