الماتىدا تانىسۋ سايتتارى ارقىلى ەر ادامداردى الداپ، توناپ كەلگەن كۇدىكتىلەر توبى ۇستالدى، دەپ حابارلايدى aqshamnews.kz.
قاسكويلەردىڭ ارەكەت ەتۋ سحەماسى قاراپايىم، ءبىراق ولار ءۇشىن وتە ءتيىمدى بولعان: قىزدار تانىسۋ سايتتارىندا ەر ادامداردىڭ نازارىن اۋدارىپ، ولاردى جەكە كەزدەسۋگە شاقىرعان. كەزدەسۋ بارىسىندا سىبايلاستارى كەنەتتەن شابۋىل جاساپ، جابىرلەنۋشىلەردىڭ اقشاسى مەن باعالى زاتتارىن تارتىپ العان.
الماتى قالالىق پوليسيا دەپارتامەنتىنىڭ كريمينالدىق پوليسيا باسقارماسىنىڭ باستىعى تالانت يسايەۆتىڭ ايتۋىنشا، جەدەل-ىزدەستىرۋ شارالارى بارىسىندا وسىنداي التى قىلمىس جاساعانىن مويىنداعان 26 كۇدىكتى ۇستالدى.
- كۇدىكتىلەردىڭ بارلىعى قاماۋعا الىندى، تەرگەۋ امالدارى جۇرگىزىلىپ جاتىر. ولاردىڭ باسقا دا قىلمىستارعا قاتىسى بار-جوعى تەكسەرىلۋدە. مۇنداي ارەكەتتەر تەك قۇرباندارعا عانا ەمەس، جالپى قوعامعا ۇلكەن ءقاۋىپ توندىرەدى، – دەدى يسايەۆ.
ەسكە سالا كەتەيىك، بۇعان دەيىن پوليسيا تانىسۋ سايتتارىن وزدەرىنىڭ قىلمىستىق ارەكەتتەرىنە پايدالاناتىن قىلمىستىق توپتاردىڭ بەلسەندىلىگى تۋرالى ەسكەرتىپ، ينتەرنەت ارقىلى تانىسقان كەزدە ساق بولۋعا شاقىرعان ەدى.