الماتىدا تولە بي كوشەسىن ۇزارتۋ جۇمىستارى ءجۇرىپ جاتىر

قالا تۇرعىندارىنىڭ جايلى ءومىر ءسۇرۋى مەن جولداعى كەپتەلىستى ازايتۋ ينديكاتورلارىنىڭ ءبىرى بولىپ تابىلادى. 

بۇل تۋرالى الماتى قالاسىنىڭ اكىمى ەربولات دوسايەۆ وكق-دا وتكەن الماتى قالاسىنىڭ الەۋمەتتىك ەكونوميكالىق دامۋىنىڭ 5 ايداعى نەگىزگى قورىتىندىلارى تۋرالى سويلەگەن سوزىندە ايتتى، دەپ حابارلايدى Almaty-akshamy.kz. 

كولىك ينفراقۇرىلىمىن دامىتۋ قالا تۇرعىندارىنىڭ جايلى ءومىر ءسۇرۋى مەن جولداعى كەپتەلىستى ازايتۋ ينديكاتورلارىنىڭ ءبىرى بولىپ تابىلادى.

1) اعىمداعى جىلدىڭ 30 مامىرىندا مەترونىڭ «سارىارقا» جانە «ب.مومىش ۇلى» 2 ستانسياسى اشىلدى، بۇل كۇندەلىكتى جولاۋشىلار اعىمىن 1،9 ەسە 86 مىڭ ادامعا دەيىن ارتتىردى (قازان ايىنان باستاپ كۇتىلۋدە).

2) اعىمداعى جىلدىڭ مامىر ايىندا ۇزىندىعى 800 مەتر اۋەزوۆ كوشەسى گوگول كوشەسىنەن رايىمبەك داڭعىلىنا دەيىن ۇزارتىلدى، سونداي-اق ۇزىندىعى 7،7 شاقىرىم 2 كوشەنى (ساين كوشەسى، تولە بي كوشەسى) ۇزارتۋ جالعاسۋدا.

3) 3 كولىك جولايرىعىنىڭ قۇرىلىسى ءجۇرىپ جاتىر، ونىڭ بىرەۋىن «بۇقتىرما – قۇلجا كۇرە جولىن» وسى جىلدىڭ سوڭىندا، ەكەۋىن – 2023 جىلدىڭ جەلتوقسان ايىندا اياقتايمىز (سەيفۋللين داڭعىلى – جانسۇگىروۆ كوشەسى، ساين كوشەسى – موڭكە بي كوشەسى).

4) اعىمداعى جىلى 5 شاعىن اۋداندا 50 شاقىرىم جاڭا جول قۇرىلىسىن اياقتايمىز. 200 شاقىرىم جولعا ورتاشا جوندەۋ جۇرگىزىلىپ، 100 شاقىرىم تروتۋارلار مەن 80 ايالداما جايلاستىرىلادى. 

 «ناتيجەسىندە جاقسى جانە قاناعاتتانارلىق جاعدايداعى اۆتوموبيل جولدارىنىڭ ۇلەسىن بيىل 86%-كە دەيىن جەتكىزەمىز (2021 ج. - 83%)»، - دەدى ەربولات دوسايەۆ.