الماتىدا ەر ادام تويدا قوناقتاردى توناۋعا ابدەن ماشىقتانعان.
الاتاۋ اۋداندىق پوليسيا باسقارماسىنان حابارلاعانداي، 31 جاستاعى و.ەسىمدى ازامات – كانىگى ۇرى. وسى ۋاقىتقا دەيىن ۇرلىقتىڭ 40-تان استام ەپيزودىنا قاتىسى بارى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«سوڭعى جاعدايدا قاسكوي مەرەكەلەردىڭ بىرىندە ونەر كورسەتكەن ارتىستەردى توناپ كەتكەن. ول كيىم اۋىستىراتىن بولمەگە كىرىپ، ولاردىڭ ۇيالى تەلەفوندارىن جىمقىرعان. بۇل دەرەك بەينەباقىلاۋ كامەرالارىنىڭ وبەكتيۆتەرىنە ءتۇسىپ، ونىڭ كومەگىمەن قاسكويدىڭ جەكە باسى انىقتالدى. ول ۇستالىپ، ق ر قپك-نىڭ 128-بابىنا سايكەس، ۋاقىتشا ۇستاۋ يزولياتورىنا قامالدى. ايتا كەتەيىك، كۇدىكتى بۇرىن بىرنەشە رەت سوتتالعان. ونىڭ جەكە باسى وسىعان ۇقساس باسقا دا قىلمىستارعا قاتىسى بار-جوعىنا تەكسەرىلۋدە»، – دەدى الاتاۋ اۋداندىق پوليسيا باسقارماسىنىڭ باستىعى قۇماربەك كەنشىنبايەۆ.