Almaty Management University ۋنيۆەرسيتەتىندە توعىزقۇمالاقتان الماتى قالاسى تۇرعىندارى، مەكتەپ وقۋشىلارى، مەملەكەتتىك قىزمەتكەرلەر اراسىندا قالا اكىمىنىڭ كۋبوگى ءوتتى.
جارىستى الماتى قالاسىنىڭ توعىزقۇمالاق سپورتى فەدەراسياسى، الماتى قالاسىنىڭ دەنە شىنىقتىرۋ جانە سپورت باسقارماسى ۇيىمداستىرىپ، تورەشىلىكتى قالالىق سپورت باسقارماسى مەن توعىزقۇمالاق فەدەراسياسى بەكىتكەن تورەشىلەر القاسى تورەشىلىك ەتتى.
تۋرنيرگە الماتى قالاسى ءماسليحاتىنىڭ ءتوراعاسى مەيىرجان وتىنشييەۆ، Almaty Management University رەكتورى گۇلنار ءتۇردالى قىزى جانە «توعىزقۇمالاق» فەدەراسياسىنىڭ قامقورشىلىق كەڭەسىنىڭ مۇشەلەرى قاتىسىپ، قاتىسۋشىلارعا ساتتىلىك تىلەدى.
«ۇلتتىق ويىنىمىز – توعىزقۇمالاقتىڭ 4 مىڭ جىلدىق تاريحى بار. وتكەن جىلى الماتى قالاسى توعىزقۇمالاقتىڭ دۇنيەجۇزىلىك ورداسى، ياعني استاناسى دەپ تانىلدى. سول سەبەپتى ءقازىر ءىس-شارالار توعىزقۇمالاق بويىنشا ءوتىپ جاتىر. شاحماتتى دا، توعىزقۇمالاقتى دا، باسقا دا سپورت تۇرلەرىن بىردەي دامىتىپ ءجۇرمىز»، – دەدى مەيىرجان وتىنشييەۆ.
