باس جۇلدە ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى كومانداسى جەڭىپ الدى
كوكتەمگى مەرەكەلەرگە وراي الماتى قالاسى تج دەپارتامەنتىنىڭ باسشىلىعى ايەلدەر اراسىندا ۆولەيبول ءتۋرنيرىن ۇيىمداستىردى، دەپ حابارلايدى Almaty-akshamy.kz.
تورەشىلەر القاسىن تجد باستىعىنىڭ ورىنباسارى ازاماتتىق قورعاۋ پولكوۆنيگى سامات اساينوۆ باسقاردى.
باس جۇلدە “ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى” مم وكىلدەرىنە، “كۇمىس” “101” كۇشتەرى مەن قۇرالداردى جەدەل باسقارۋ ورتالىعىنىڭ ديسپەچەرلەرىنە، “قولا” 13ء-شى ءورت ءسوندىرۋ ءبولىمىنىڭ نازىك جاندى قىزمەتكەرلەرىنە بەرىلدى. “ۇزدىك قورعاۋشى” نوميناسياسىندا “قازسەلدەنقورعاۋ” مم سۇلۋلارى دا ءوز جۇلدەسىن الدى.
جوعارى ۆولەيبول داعدىلارىن كورسەتكەن ويىنشىلار “ۇزدىك بايلانىستىرۋشى ويىنشى”، “ۇزدىك شابۋىلشى “، “ ۇزدىك قورعاۋشى “ جەكە نوميناسيالارى بويىنشا گراموتالارمەن ماراپاتتالدى، سونداي-اق ەڭ بەلسەندى جانكۇيەرلەر گراموتالارمەن ماراپاتتالدى.
