2025 جىلعى 28 قاراشادا الماتى قۇرىلىس-تەحنيكالىق كوللەدجىنىڭ بازاسىندا الماتى قالاسى اكىمىنىڭ ورىنباسارى ابزال نۋكەنوۆتىڭ توراعالىعىمەن قالالىق ءبىلىم باسقارماسىنىڭ كوللەدج باسشىلارىمەن كەڭەيتىلگەن كەڭەسى ءوتتى.
كەزدەسۋدە مەگاپوليس تەحنيكالىق جانە كاسىپتىك ءبىلىم بەرۋ جۇيەسىن دامىتۋدىڭ نەگىزگى ماسەلەلەرى تالقىلاندى. الدىن الا ءسوز سويلەگەندەر پروكۋراتۋرا، ءبىلىم ساپاسى دەپارتامەنتى، پوليسيا جانە الماتى قالالىق كاسىپكەرلەر پالاتاسىنىڭ وكىلدەرى بولدى.
كەڭەستە «زاڭ جانە ءتارتىپ» تۇجىرىمداماسىنىڭ جۇزەگە اسىرىلۋ بارىسى، جاستار اراسىندا قۇقىقتىق مادەنيەتتى قالىپتاستىرۋ جانە يدەولوگيالىق قۇندىلىقتاردى نىعايتۋ ماسەلەلەرى قارالدى. ارنايى كوڭىل جاسوسپىرىمدەردىڭ قۇقىقتارىن قورعاۋعا جانە قۇقىق بۇزۋشىلىقتاردىڭ الدىن الۋعا ءبولىندى. سونداي-اق، ستۋدەنتتەر اراسىنداعى قۇقىق بۇزۋشىلىقتار بويىنشا دەرەكتەر ۇسىنىلدى جانە كوللەدجدەردىڭ جاسوسپىرىمدەر پوليسياسى، الەۋمەتتىك قولداۋ قىزمەتتەرى جانە «ءقاۋىپتى توپتاعى» وتباسىلارمەن ءوزارا ارەكەتتەسۋىن كۇشەيتۋ بويىنشا ۇسىنىستار بەرىلدى.
2025 جىلعا ارنالعان تەحنيكالىق جانە كاسىپتىك ءبىلىم بەرۋ جۇيەسىنىڭ جاعدايىنا قاتىستى باقىلاۋ-قاداعالاۋ شارالارىنىڭ ناتيجەلەرى ءبىلىم ساپاسىن قامتاماسىز ەتۋ دەپارتامەنتى (بسقد) ارقىلى تانىستىرىلدى.
بيزنەس پەن ءبىلىم اراسىنداعى ارىپتەستىك اياسىندا «اتامەكەن» وڭىرلىك كاسىپكەرلەر پالاتاسى كوللەدجدەر مەن جۇمىس بەرۋشىلەر اراسىنداعى ءتيىمدى ءوزارا ارەكەتتەسۋدى ارتتىرۋ بويىنشا ۇسىنىستارىن تانىستىردى. ارنايى نازار بولاشاقتا سۇرانىسقا يە مامانداردى دايىنداۋ ساپاسىن ارتتىرۋعا جانە تيپو جۇيەسىن دامىتۋعا اۋدارىلدى.
«قازىرگى تاڭدا كوللەدجدەر قالانىڭ ەكونوميكاسىن دامىتۋعا قاجەتتى بىلىكتى مامانداردى دايارلاۋدا ماڭىزدى ءرول اتقارىپ وتىر. ءبىزدىڭ باستى ماقساتىمىز – ستۋدەنتتەرمەن تاربيەلىك جانە الدىن الۋ جۇمىسىن بارىنشا كۇشەيتۋ، سونداي-اق كوللەدجدەردىڭ الەۋمەتتىك سەرىكتەستەرىمەن ءوزارا ارەكەتتەستىگىن جالعاستىرۋ. ءبىلىم ساپاسىن جوعارلاتۋ جانە كاسىپتىك-تەحنيكالىق ءبىلىم بەرۋ جۇيەسىندە بارلىق ستاندارتتاردىڭ ساقتالۋىن قامتاماسىز ەتۋ ماڭىزدى»، – دەدى الماتى قالاسى ءبىلىم باسقارماسىنىڭ باسشىسى سايران سايفەدەنوۆ.
كەڭەيتىلگەن كەڭەستىڭ قورىتىندىسى بويىنشا تيپو جۇيەسىندە كادرلاردى دايىنداۋ، قاۋىپسىزدىكتى كۇشەيتۋ، تاربيەلىك جۇمىستى نىعايتۋ، ۆەدومستۆوارالىق ءوزارا ارەكەتتەستىكتى دامىتۋ جانە بارلىق ستۋدەنتتەر ءۇشىن قولايلى، ءقاۋىپسىز ءارى قولداۋشى ءبىلىم بەرۋ ورتاسىن جاساۋ ماسەلەلەرى بويىنشا ناقتى شارالاردى قاراستىراتىن رەزوليۋسيا قابىلداندى.