ءتىنتۋ بارىسىندا كۇدىكتىلەردەن تەلەفون تابىلدى.
الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №72 مەكەمەسىنە الماتى وبلىسى، تالعار اۋدانى پب ۋاقىتشا ۇستاۋ يزولياتورىنىڭ قىزمەتكەرلەرى 21 جاستاعى ا. جانە 35 جاستاعى ن. دەگەن ەكى كۇدىكتىنى جەتكىزگەن بولاتىن، دەپ حابارلايدى Almaty-akshamy.kz Polisia.kz-كە سىلتەمە جاساپ.
№72 مەكەمەسىنىڭ تەرگەۋ بولمەسىندە اتالعان جىگىتتەردى ءتىنتۋ بارىسىندا ا. ەسىمدى ازاماتتىڭ ۇلتاراعىنىڭ استىنان IPhone تەلەفونى تابىلسا، ن. دەگەن كۇدىكتىنىڭ قالتاسىنان Redmi Note 8 ماركالى ەكى تەلەفون تابىلدى. تەرگەۋ تۇتقىنىنداعى ا. قازاقستان رەسپۋبليكاسى قك-نىڭ 191-بابى 2-بولىگى بويىنشا، ال ن. قك-نىڭ 188-بابىمەن ۇستالعان. ەكەۋى دە بۇرىن سوتتالماعان.
تەرگەۋ يزولياتورىنىڭ اۋماعىنا تىيىم سالىنعان زاتتاردى الىپ كىرگەنى ءۇشىن بۇل فاكتىلەر قىلمىستى تىركەۋ كىتابىنا تىركەلىپ، ءتيىستى شارالار قابىلدانىپ جاتىر.