2025 جىلعى 2 قازاندا الماتىدا كوپ جىلدان كەيىن العاش رەت رەسمي مەرەكە – تەحنيكالىق جانە كاسىپتىك ءبىلىم بەرۋ (تجكبب) كۇنى اتاپ ءوتىلدى.
الماتى قالاسى ءبىلىم باسقارماسىنىڭ ۇيىمداستىرۋىمەن وتكەن كەڭ اۋقىمدى سالتاناتتى شارا ناۋرىزباي اۋدانىنداعى وقۋشىلاردىڭ يننوۆاسيالىق شىعارماشىلىق ورتالىعىندا ءوتتى.
الماتى قالاسى ءبىلىم باسقارماسىنىڭ باسشىسى سايران سايفەدەنوۆ: «قازاقستان پرەزيدەنتى قاسىم-جومارت توقايەۆتىڭ باستاماسىمەن 2025 جىل جۇمىسشى ماماندىقتار جىلى بولىپ جاريالاندى. بۇل قوعام نازارىن جۇمىسشى ماماندىقتارىنىڭ مارتەبەسىنە، ستۋدەنتتەر مەن پەداگوگتەردى قولداۋعا، كوللەدجدەر مەن جۇمىس بەرۋشىلەر اراسىنداعى ارىپتەستىكتى نىعايتۋعا ەرەكشە باعىتتايدى» – دەپ مالىمدەدى.
ايتا كەتۋ كەرەك، «كاسىبي مەرەكەلەر تىزبەسىن بەكىتۋ تۋرالى» رەسمي قۇجاتتا 2 قازان «تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ قىزمەتكەرلەرى كۇنى» رەتىندە بەلگىلەنگەن. بۇل نەگىزدەمە 2023 جىلعى 29 مامىرداعى №258 ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن بەكىتىلگەن وزگەرىستەرگە سايكەس ەنگىزىلگەن.
مەرەكەگە كوللەدج باسشىلارى مەن پەداگوگتەرى، الەۋمەتتىك سەرىكتەستەر، جۇمىس بەرۋشىلەر جانە تجكبب ارداگەرلەرى – قۇرمەتتى قوناقتارى رەتىندە قاتىستى. ولاردىڭ كاسىپتىك-تەحنيكالىق ءبىلىم بەرۋ جۇيەسىنىڭ ادامي كاپيتالى مەن ەل ەكونوميكاسىن دامىتۋعا قوسقان زور ۇلەستەرى اتاپ ءوتىلدى.
وسى كۇنى پەداگوگتەر جانە الەۋمەتتىك سەرىكتەستەر العىس حاتتارمەن ماراپاتتالدى:
• ابدۋگازييەۆا انيا ۋتەگەنوۆنا، «لينگۆيستيكالىق كوللەدجى» ديرەكتورى؛
• مالىكوۆا مارجان سابىر قىزى، ALMATY POLYTECHNIC COLLEGE ديرەكتوردىڭ وقۋ جۇمىسى جونىندەگى ورىنباسارى؛
• سارسەنوۆ باكىتجان شامۋراتوۆيچ، «الماتى قۇرىلىس جانە مەنەدجمەنت كوللەدجى» ديرەكتورى؛
• كەنەسبايەۆا سابيرا اسانوۆنا ءقببجتعاو تەحنيكالىق جانە كاسىپتىك ءبىلىم بەرۋ ءبولىمىنىڭ ادىسكەرى؛
• ابدرەيموۆا مولدير ابدراشيتوۆنا، «الماتى سەرۆيس جانە تەحنولوگيالار كوللەدجى» ديرەكتوردىڭ وقۋ ءىسى جونىندەگى ورىنباسارى؛
• كارابايەۆا اكبوپە كاسىمبەكوۆنا، «قازاق ۇلتتىق قىزدار پەداگوگيكالىق ۋنيۆەرسيتەتى» قۇرامىنداعى كاسىبي ءبىلىم بەرۋ كوللەدجىنىڭ ديرەكتورى؛
• سەمبييەۆا ساۋلە بالتابايەۆنا، «الماتى كوپسالالى كوللەدجى»، ديرەكتوردىڭ وقۋ ءىسى جونىندەگى ورىنباسارى؛
• نۇرجان اقبوتا نۇرجان قىزى، الماتى قۇرىلىس-تەحنيكالىق كوللەدجى، ديرەكتوردىڭ تاربيە ءىسى جونىندەگى ورىنباسارى؛
• ماكەيەۆا اكبوتا شوپانوۆنا الماتى تەلەكوممۋنيكاسيا جانە ماشينا جاساۋ كوللەدجى، ديرەكتوردىڭ وقۋ ءىسى جونىندەگى ورىنباسارى؛
• توقبەرگەنوۆا گۋلميرا تەلمانوۆنا «ينتەردەنت» جوعارى مەديسينالىق كوللەدجى ديرەكتورى؛
• شالابايەۆا مايرا حۋساينوۆنا حالىقارالىق ينجەنەرلىك-تەحنولوگيالىق ۋنيۆەرسيەتى كوللەدجى ديرەكتورى؛
• لەدەر الەكسەي ۆلاديميروۆيچ الماتى اۆتومەحانيكا كوللەدجى وندىرىستىك وقىتۋ شەبەرى.
باعدارلامانىڭ باستى وقيعاسى الماتى كوللەدجدەرىنىڭ جەتىستىكتەر كورمەسى بولدى. وعان قالاداعى 12 جەتەكشى مەملەكەتتىك جانە جەكەمەنشىك وقۋ ورنى قاتىستى. كوللەدجدەر يننوۆاسيالىق ءبىلىم بەرۋ تاجىريبەلەرىن، زاماناۋي وقىتۋ تەحنولوگيالارىن، دۋالدى ءبىلىم بەرۋدى ەنگىزۋ ناتيجەلەرىن، سونداي-اق جۇمىس بەرۋشىلەرمەن تابىستى ىنتىماقتاستىق جۇمىس ۇلگىلەرىن ۇسىندى.
ءىس-شارانىڭ كاسىبي باعدار بەرۋ ميسسياسىنا ەرەكشە ءمان بەرىلدى. كورمەگە قاتىسقان الماتى مەكتەپ وقۋشىلارى بولاشاق ماماندىقتارمەن جاقىنىراق تانىسىپ، ۇستازدار مەن ستۋدەنتتەرگە سۇراقتار قويىپ، شەبەرلىك-ساعاتتارى مەن ينتەراكتيۆتى ايماقتارعا قاتىسۋ مۇمكىندىگىنە يە بولدى. ەكسپوزيسيا تجكبب سالاسىنىڭ دامۋ قارقىنىن جانە سۇرانىسقا يە كادرلاردى – سەرۆيس پەن مەنەدجمەنت سالاسىنىڭ ماماندارىنان باستاپ، ءىت جانە كرەاتيۆتى يندۋستريالارداعى كاسىبي مامانداردى دايارلاۋداعى ءتۇيىندى ءرولىن ايقىن كورسەتتى.
بەلگىلى قازاقستاندىق انشىلەردىڭ قاتىسۋىمەن وتكەن مەرەكەلىك كونسەرت ءىس-شارانىڭ سالتاناتتى باعدارلاماسىن جالعاستىردى.
ۇيىمداستىرۋشىلار تجكبب كۇنى مەرەكەسىنىڭ دەڭگەيى بۇكىل ەلدەگى كاسىبي ءبىلىم بەرۋ جۇيەسى ءۇشىن ايرىقشا وقيعا بولعانىن اتاپ ءوتتى. بۇل – تەحنيكالىق جانە كاسىپتىك ءبىلىم بەرۋ جۇيەسىن دامىتۋ مەملەكەت ءۇشىن ستراتەگيالىق باسىمدىق ەكەنىن دالەلدەيدى.