الماتىدا تەحنيكالىق بايقاۋ ستانسيالارىنىڭ جاۋاپكەرشىلىگىن كۇشەيتۋ ۇسىنىلادى اۋا ساپاسى ماسەلەسى الماتى ءۇشىن اسا ماڭىزدى بولىپ قالا بەرەدى.
ق ر پرەزيدەنتى قاسىم-جومارت توقايەۆتىڭ قاتىسۋىمەن وتكەن كەڭەستە اكىم ەربولات دوسايەۆ اۆتوكولىكتى تەحنيكالىق بايقاۋدان وتكىزۋدىڭ قازىرگى ءتارتىبى بەلگىلەنگەن ەكولوگيالىق نورمالاردىڭ بۇزىلۋىنا اكەپ سوقتىراتىنىن اتاپ ءوتتى، دەپ حابارلايدى Almaty-akshamy.kz. سوندىقتان، ونىڭ ايتۋىنشا، تەحنيكالىق بايقاۋ ستانسيالارى قىزمەتىنىڭ رۇقسات بەرۋ ءتارتىبىن ەنگىزۋ جانە ولاردىڭ جاۋاپكەرشىلىگىن كۇشەيتۋ ۇسىنىلىپ وتىر.
«جالپى، اۆتوكولىك وتىنىنىڭ ساپاسىن باقىلاۋدى كۇشەيتۋ، اۆتوموبيلدەردىڭ پايدالانىلعان گازدارىن اۆتوماتتى رەجيمدە باقىلاۋ بويىنشا حالىقارالىق تاجىريبەنى ەنگىزۋ، شىعارىندىلارى تومەن ايماقتاردى قۇرۋ ۇسىنىلادى. الماتى قالاسىنىڭ ءماسليحاتىنا اتموسفەرالىق اۋانى قورعاۋ قاعيدالارىن بەكىتۋ جونىندەگى قۇزىرەتتى بەرۋ ۇسىنىلادى. ۇكىمەتتەن الماتى قالاسى اكىمدىگىنىڭ باستامالارىن قولداۋدى سۇرايمىز»، - دەدى ەربولات دوسايەۆ.