الماتى قالاسىنىڭ ەكولوگيا جانە قورشاعان ورتا باسقارماسى جىل سايىنعى «جاسىل اۋلا» اكسياسى اياسىندا قالانى كوگالداندىرۋ جانە جاسىل قوردى ساقتاۋ باعدارلاماسىن جالعاستىرىپ كەلەدى. 2024 جىلدىڭ كۇزىندە قالا تۇرعىندارى كوپقاباتتى ۇيلەردىڭ اۋلالارى مەن قوعامدىق ورىنداردى كوگالداندىرۋ ءۇشىن جاپىراقتى اعاشتاردىڭ كوشەتىن تەگىن الا الادى.
كوشەتتەر 12-13 قازاندا مىنا مەكەنجايدا ورنالاسقان ءار اۋداننىڭ كوميۋنيتي ورتالىعىندا تاراتىلادى:
1. اۋەزوۆ اۋدانى – مامىر-1 ش/ا.، 26/1؛
2. الاتاۋ اۋدانى – سايالى ش/ا.، 71؛
3. مەدەۋ اۋدانى – نازاربايەۆ داڭعىلى، 36؛
4. جەتىسۋ اۋدانى – بوتكين كوشەسى، 20؛
5. تۇركسىب اۋدانى – جاس قانات ش/ا.، 49ا؛
6. المالى اۋدانى – بايتۇرسىنوۆ كوشەسى، 22/1؛
7. ناۋرىزباي اۋدانى – شۇعىلا ش/ا.، 343/7؛
8. بوستاندىق اۋدانى – اباي داڭعىلى، 164/6.
ءاربىر كوميۋنيتي ورتالىعىندا 100-گە دەيىن كوشەت تاراتىلادى. كوشەتتەر نەگىزىنەن اۋەزوۆ اۋدانى، يۋريي كيم كوشەسى، 9 ءۇي («Eco Almaty» ج ش س) مەكەنجايىندا تاراتۋعا دايىندالادى.
اكسيانىڭ كۇزگى كەزەڭىنە قاتىسۋ ءۇشىن ءوتىنىم 2024 جىلى 23 قىركۇيەكتەن 4 قازانعا دەيىن قابىلدانادى.
اكسياعا قاتىسۋ ءۇشىن Jasyl.aula.almaty@gmail.com ەلەكتروندى پوشتاسىنا مىناداي مالىمەتتەردى جىبەرۋ قاجەت:
1. باستاماشىل تۇلعانىڭ ءاتى-جونى جانە بايلانىس دەرەكتەرى، وتىرعىزىلاتىن جەردىڭ ناقتى مەكەنجايى؛
2. جوسپارلانعان وتىرعىزۋ ورنىنىڭ بىرنەشە فوتوسۋرەتى (ورىندى باعالاۋ ءۇشىن پانورامالىق فوتوسۋرەت بولعانى ءجون)؛
3. قاجەتتى كوشەتتەردىڭ سانىن كورسەتۋ.
اكسياعا قاتىساتىن تۇرعىندار اعاش وتىرعىزعاننان كەيىن فوتوەسەپ ۇسىنۋى قاجەت.
اكسيا تۋرالى قوسىمشا اقپارات الۋ ءۇشىن الماتى قالاسىنىڭ ەكولوگيا جانە قورشاعان ورتا باسقارماسىنىڭ جاسىل قور مونيتورينگى جانە باسقارۋ بولىمىنە +7 771-161-98-50 تەلەفونى ارقىلى حابارلاسۋعا بولادى.
«جاسىل اۋلا» اكسياسى – الماتى تۇرعىندارىنىڭ شاھاردى كوگالداندىرۋعا، ونى ودان ءارى جاسىل ءارى جايلى ەتۋدىڭ تاماشا مۇمكىندىگى.