الماتىدا «تازا قازاقستان» اكسياسى اياسىندا 9 مىڭ توننادان استام قوقىس جينالىپ، 19 مىڭنان اسا اعاش وتىرعىزىلدى
الماتى قالاسىندا كوكتەم بويى جالعاسقان «تازا قازاقستان» ەكولوگيالىق اكسياسى تابيعاتتى قورعاۋعا جانە قالانى كوركەيتۋگە باعىتتالعان ءىرى قوعامدىق باستاماعا اينالدى. بۇل تۋرالى Aqshamnews.kz سايتى حابارلايدى.
ناۋقان اياسىندا قالا بويىنشا 9363 توننا قوقىس جينالىپ، 19 275 ءتۇپ اعاش وتىرعىزىلدى. بارلىق سەگىز اۋداندى قامتىعان 15 شاراعا 115 665 ادام قاتىسىپ، تابيعاتقا جاناشىرلىق تانىتتى.
ەڭ ءىرى شارالاردىڭ ءبىرى – «تازا قالا» اكسياسى 15–29 ناۋرىز ارالىعىندا ءوتتى. بۇل كەزەڭدە 25 600-دەن استام تۇرعىن، ونىڭ ىشىندە دەپۋتاتتار، سپورتشىلار، ونەر قايراتكەرلەرى جانە كوممۋنالدىق قىزمەت وكىلدەرى بەلسەندى اتسالىستى.
قالا پاركتەرى، سكۆەرلەر، اۋلالار مەن قوعامدىق اۋماقتار 170-كە جۋىق ارنايى تەحنيكامەن تازارتىلدى. اكسيا اياسىندا الما، ۇيەڭكى، شەتەن، اكاسيا سەكىلدى اعاش تۇرلەرىنەن 5000-نان استام كوشەت وتىرعىزىلدى.
27 ناۋرىزدا وتكەن «تازا كاسىپ – تازا ايماق» اكسياسى بارىسىندا 1600-دەن استام ادام، سونىڭ ىشىندە بيزنەس يەلەرى، ەرىكتىلەر جانە جەرگىلىكتى تۇرعىندار كاسىپكەرلىك نىساندارىنىڭ اينالاسىن، تروتۋارلاردى، ارىقتار مەن گۇلزارلاردى تازالادى.
شارا قورىتىندىسى بويىنشا 2393،25 توننا قوقىس شىعارىلدى. بۇل باعىتتا جەتىسۋ، مەدەۋ جانە المالى اۋداندارىنىڭ كاسىپكەرلەرى بەلسەندىلىگىمەن ەرەكشەلەندى.
ناۋقان بارىسىندا ەكولوگيالىق اعارتۋعا ەرەكشە نازار اۋدارىلدى. «تابيعات – ءبىزدىڭ قولىمىزدا» ۇرانىمەن وتكەن ەكو-ساعاتتارعا 35 جوعارى وقۋ ورنىنان 47 530 ستۋدەنت قاتىستى.
ال مەكتەپ وقۋشىلارى اراسىندا «مەنىڭ ەكولوگياعا قوسقان ۇلەسىم» اتتى شىعارما بايقاۋى ءوتىپ، 22 مەكتەپتەن وقۋشىلار قاتىستى. ەڭ ۇزدىك 6 جوبا ماراپاتقا ۇسىنىلدى.
سونداي-اق، «تۇلەكتەردىڭ اعاش ەگۋى» ەكوچەللەندجى بارىسىندا 216 مەكتەپتىڭ 12 مىڭ تۇلەگى 7285 اعاش وتىرعىزدى. بۇل جوبا تۇلەكتەردىڭ تۋعان قالاسىنا دەگەن جاناشىرلىعىن كورسەتۋدىڭ جارقىن مىسالىنا اينالدى.
-
5 ساۋىردە «تازا جاعالاۋ» اكسياسى بارىسىندا ەسەنتاي وزەنى بويى مەن كەرەي-جانىبەك كوشەسى ماڭىنداعى اۋماقتار تازارتىلىپ، 5000 توننادان استام قوقىس جينالدى.
-
22 ناۋرىزدا «جەر ساعاتى» اياسىندا قالانىڭ 43 ساۋدا-ويىن-ساۋىق ورتالىعىندا جانە 100-دەن استام كافە مەن مەيرامحانالاردا جارىق 1 ساعاتقا ءسوندىرىلىپ، ەنەرگيا ۇنەمدەۋدىڭ ماڭىزدىلىعى دارىپتەلدى.
-
PowerTech EXPO اياسىندا «قالدىقسىز بولاشاق» كورمەسىندە 100 جوبا ۇسىنىلىپ، 2000 ادام قاتىستى.
-
13 مامىردا باستالعان «تازا اۋلا – تازا قالا» بايقاۋى ۇزدىك ۇيلەر مەن اۋلالاردى انىقتاپ، تۇرعىنداردى ورتاق جاۋاپكەرشىلىككە ىنتالاندىردى. قورىتىندىسى مامىردىڭ سوڭىندا شىعارىلدى.
«تازا قازاقستان» ەكولوگيالىق اكسياسى الماتى تۇرعىندارىنىڭ تابيعاتقا جاناشىر كوزقاراسىن، ورتاق ىسكە بىرىگە الاتىنىن كورسەتتى. بۇل باستاما تەك سەنبىلىكپەن شەكتەلمەي، ەكولوگيالىق مادەنيەت قالىپتاستىرۋعا باعىتتالعان جۇيەلى قوزعالىسقا اينالىپ وتىر.
نۇرجان بۋلەكبايەۆتىڭ ايتۋىنشا، بۇل باستامالار – جاسىل ءارى تازا بولاشاققا جاسالعان العاشقى ناقتى قادامدار. ەكولوگيانى ساقتاۋ – بارشا ازاماتتىڭ ورتاق مىندەتى. ال الماتى قالاسى وسى باعىتتا الدىڭعى قاتاردا كەلەدى.