الماتىدا 16 جەلتوقسان كۇنى رەسپۋبليكا الاڭىندا تاۋەلسىزدىك مونۋمەنتىنە گۇل شوقتارىن قويۋ ءراسىمى وتەدى. ءىس-شاراعا ارداگەرلەر كەڭەسىنىڭ، قالا اكىمدىگىنىڭ، قوعامدىق ۇيىمداردىڭ، ەتنومادەني بىرلەستىكتەردىڭ وكىلدەرى جانە 1986 جىلعى جەلتوقسان وقيعاسىنا قاتىسۋشىلار قاتىسادى، دەپ حابارلايدى aqshamnews.kz
17 جەلتوقسان كۇنى 1986 جىلعى جەلتوقسان وقيعاسىنىڭ 38 جىلدىعىنا وراي «تاۋەلسىزدىك تاڭى» ەسكەرتكىشىنە گۇل شوقتارى قويىلادى. سالتاناتتى ءىس-شاراعا جەلتوقسان وقيعاسىنا قاتىسۋشىلار، اكىمدىك وكىلدەرى جانە قالا جاستارى قاتىسادى. جينالعاندار قازا تاپقانداردى ءبىر مينۋت ۇنسىزدىكپەن ەسكە الىپ، ءدىن وكىلدەرى قۇران باعىشتايدى.
سونداي-اق، مەرەكەلىك ءىس-شارالار قالانىڭ اۋدانىندا وتەدى.
المالى اۋدانىندا 13 جەلتوقساندا «Ten Qogam» ورتالىعىندا جانە چايكوۆسكيي اتىنداعى الماتى مۋزىكالىق كوللەدجىندە جەلتوقسان وقيعاسىنا ارنالعان كونسەرتتەر وتەدى.
بوستاندىق اۋدانىندا 15 جەلتوقساندا ساعات 16:00-دە اۋداندىق كوميۋنيتي ورتالىعىندا «تاۋەلسىزدىك – ماڭگىلىك ەلدىڭ تۇعىرى» تاقىرىبىندا دوڭگەلەك ۇستەل وتەدى. 16 جەلتوقساندا ساعات 18:00-دە Mega Alma-Ata ساۋدا ورتالىعىندا نۇرعيسا تىلەندييەۆ اتىنداعى «وتىرار سازى» اكادەميالىق مەملەكەتتىك فولكلورلىق-ەتنوگرافيالىق وركەسترىنىڭ كونسەرتى بولادى.
مەدەۋ اۋدانىندا 13 جەلتوقساندا ساعات 11:30-دا ب.مومىش ۇلى اتىنداعى №131 مەكتەپ-ليسەيىندە «بابالارىم اڭساعان – تاۋەلسىزدىك» اتتى كەزدەسۋ وتەدى.
تۇركسىب اۋدانىندا 13 جەلتوقساندا اۋداننىڭ بەلسەندى ۇزاق ءومىر ءسۇرۋ ورتالىعىندا زەينەتكەرلەرگە ارنالعان كونسەرت وتەدى. 14 جەلتوقساندا اۋداندىق كوميۋنيتي ورتالىعىندا جەلتوقسان وقيعاسىنا قاتىسۋشىلار مەن جاستاردىڭ قاتىسۋىمەن «ارداگەرلەردى ارداقتايىق!» اتتى دوڭگەلەك ۇستەل وتەدى.
ناۋرىزباي اۋدانىندا 13 جەلتوقساندا ساعات 11:00-دە شۇعىلا شاعىن اۋدانى 347/4 مەكەنجايىنداعى يننوۆاسيالىق شىعارماشىلىق ورتالىعىندا «تۇعىرى بيىك – تاۋەلسىزدىك» اتتى كونسەرت وتەدى.
اۋەزوۆ اۋدانىندا 13 جەلتوقساندا ساعات 11:00-دە الماتى تەحنولوگيالىق كوللەدجىنىڭ اكت زالىندا «تاۋەلسىزدىك تىنىسىڭ، بۇگىنگى داۋلەتىڭ، ەرتەڭگى ىرىسىڭ» اتتى كونسەرت وتەدى. سونىمەن قاتار، اۋداننىڭ كوميۋنيتي ورتالىعىندا تاۋەلسىزدىك كۇنىنە ارنالعان فلەشموب ۇيىمداستىرىلادى.
جەتىسۋ اۋدانىندا 13 جەلتوقساندا ساعات 14:00-دە №193 مەكتەپ ۇجىمىنىڭ قاتىسۋىمەن مادەنيەت ۇيىندە «تاۋەلسىزدىك – تۇعىرىم» اتتى مەرەكەلىك كونسەرت وتەدى.
اي بويى قالاداعى بارلىق ءبىلىم بەرۋ مەكەمەسىندە جەلتوقسان وقيعاسىنا ارنالعان اشىق ساباقتار، كونفەرەنسيالار مەن كەزدەسۋلەر وتكىزىلەدى.