الماتى قالاسى ناۋرىزباي اۋداندىق سوتىندا اشىق سوت وتىرىسى ءوتتى.
وندا الماتى قالاسى بويىنشا قاجد-عا قاراستى ناۋرىزباي اۋداندىق پروباسيا قىزمەتىنىڭ باقىلاۋىنا الىنعان ا. ەسىمدى سوتتالعاننىڭ باس بوستاندىعىن شەكتەۋ جازاسى باس بوستاندىعىنان ايىرۋ جازاسىنا اۋىستىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ناۋرىزباي اۋداندىق پروباسيا قىزمەتىندە بارلىعى 250 ادام باقىلاۋعا الىنعان. اۋداندىق سوتتىڭ قاۋلىسى بويىنشا باس بوستاندىعىن شەكتەۋ جازاسى باس بوستاندىعىنان ايىرۋ جازاسىنا اۋىستىرىلعان سوتتالعان ا. قك-نىڭ 106-بابى بويىنشا جازالى دەپ تانىلىپ، كامەلەتكە تولماعاندىقتان پروباسيا باقىلاۋىنا الىنعان بولاتىن. الايدا ول پروباسيا ينسپەكتورلارىنىڭ جازا وتەۋ ءتارتىبى جايلى ءتۇسىندىرۋ جۇمىستارىنا قاراماستان بىرنەشە رەت قاسانا ءتارتىپ بۇزدى. سوندىقتان پروباسيا تاراپىنان ونىڭ جازاسىن اۋىستىرۋ جونىندە سوتقا ۇسىنىس جولدانعان بولاتىن»، – دەيدى ناۋرىزباي اۋداندىق پروباسيا قىزمەتىنىڭ ينستەكتورى ب.بازارقۇلوۆ.
جازا وتەۋ ءتارتىبىن بۇزۋشىلىقتىڭ الدىن الۋ ماقساتىندا اتالعان اشىق سوت وتىرىسىنا پروباسيا قىزمەتىندە ەسەپتە تۇرعان باسقا دا سوتتالۋشىلار قاتىستىرىلدى.