الماتىدا ءتارتىپ ساقشىلارى ءسۋيسيدتىڭ الدىن الدى

وقيعا الماتىنىڭ تۇركسىب اۋدانىندا بولدى.

ش. ەسىمدى ازامات كورشىسىنە تەلەفون سوعىپ، يتكە بىرنەشە كۇن قاراپ بەرۋىن وتىنگەن. اڭگىمە بارىسىندا ول وز-وزىنە قول جۇمساعىسى كەلەتىنىن ايتقان، دەپ حابارلايدى Almaty-akshamy.kz Polisia.kz-كە سىلتەمە جاساپ.

 «مۇنى ەستىگەن ايەل شۇعىل تۇردە “102” نومىرىنە قوڭىراۋ شالدى. ۇيگە پاترۋلدىك جاساق، تەرگەۋ جەدەل توبى جانە پد باسشىلىعى كەلدى. ءۇي يەسى ماس كۇيدە بولدى. اسپانعا بىرنەشە رەت وق اتقان. ابىروي بولعاندا، ەشكىم زارداپ شەككەن جوق. ءبىزدىڭ قىزمەتكەرلەر ماس ادامدى زالالسىزداندىرىپ، ونىڭ اتىنا تىركەلگەن تەگىس ۇڭعىلى مىلتىقتى تاركىلەدى»، – دەدى تۇركسىب اۋداندىق پوليسيا باسقارماسىنىڭ باستىعى ەركىن امانتايەۆ.

مەديسينالىق تەكسەرۋدەن كەيىن ۇستالعان ادامنىڭ الكوگولدىك ماساڭ كۇيدە بولعانى انىقتالدى. بۇل دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 105-بابى 1-بولىگى بويىنشا تىركەلدى. ش.ەسىمدى ازاماتقا ىشىمدىكتەن ءماجبۇرلى تۇردە ەمدەلۋ تاعايىندالدى. الدىن الا بولجام بويىنشا، وز-وزىنە قول جۇمساۋعا ايەلىنىڭ ۇيىنەن كەتۋى سەبەپ بولعان.