الماتىدا تاريفتەردىڭ كوتەرىلۋىنە بايلانىستى وتەماقى وسەدى

1 قاراشادان باستاپ.

الەۋمەتتىك كومەكتىڭ مولشەرى 0،6 اەك بولىپ، 1725 تەڭگەدەن 2070 تەڭگەگە دەيىن وسەدى، دەپ حابارلايدى Almaty-akshamy.kz

الماتى ءماسليحاتىنىڭ مۇقتاج ازاماتتاردىڭ جەكەلەگەن ساناتتارىنا كوممۋنالدىق قىزمەتتەرگە تاريفتەردىڭ كوتەرىلۋىنە بايلانىستى الەۋمەتتىك كومەك كورسەتۋ جانە وتەماقى تولەۋ مولشەرىن بەلگىلەۋ قاعيداسىنا وزگەرىس ەنگىزەتىن شەشىم ازىرلەندى.

تۇسىندىرمە قۇجاتتا بۇعان ەلەكتر ەنەرگياسى تاريفتەرىنىڭ كوتەرىلۋى سەبەپ بولعانى جازىلعان.

بۇدان بولەك، الەۋمەتتىك كومەك كورسەتۋ مەرزىمى 2024 جىلدىڭ 30 ماۋسىمىنا دەيىن ۇزارتىلدى. بۇرىن ەرەجە 2023 جىلدىڭ 31 جەلتوقسانىنا دەيىن جارامدى بولعان.

ەگەر كورسەتىلەتىن قىزمەتتى الۋشى 2023 جىلعى 31 جەلتوقسانداعى جاعداي بويىنشا الەۋمەتتىك كومەك الۋشى بولىپ تانىلسا، وندا وعان كورسەتىلەتىن قىزمەتتى بەرۋشىگە حابارلاسپاي الەۋمەتتىك كومەك تاعايىندالادى.

2023 جىلعى 31 جەلتوقساننان كەيىن ءوتىنىش بەرگەندەرگە الەۋمەتتىك كومەك ءوتىنىش بەرىلگەن ايدان باستاپ تاعايىندالىپ، تولەنەدى.

اكىمدىكتىڭ مالىمەتىنشە، 2023 جىلعى 1 قاراشادا 120 مىڭ ازاماتقا الەۋمەتتىك كومەك كورسەتىلگەن. جوبا قالالىق بيۋدجەتتەن قارجىلاندىرىلادى جانە 2023 جىلدىڭ سوڭىنا دەيىن قوسىمشا قاراجات قاجەت ەمەس. 2024 جىلعا قارجىلاندىرۋ 4 112 ملن تەڭگە جانە 315 430 ادامعا ەسەپتەلگەن.

قۇجات 15 قاراشاعا دەيىن قوعام بولىپ تالقىلاۋ ءۇشىن اشىق نقا سايتىندا جاريالاندى.