ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە «ەركىن سۋرەتشىلەر بىرلەستىگى» ۇيىمىنىڭ قولداۋىمەن لاتيف قازبەكوۆتىڭ «قاعاز الەمدەرى» جانە اندرەي ءبيستيدىڭ «تەمىر مىسقىل» اتتى ەكسپوزيسيالارىنىڭ ۆەرنيساجى ءوتتى، دەپ حابارلايدى aqshamnews.kz.
كورمەگە اۆتورلىق قاعازداعى 111 اكۆارەلدى، بەدەرلى كومپوزيسيالار مەن تۋش سۋرەتتەرى، يلليۋستراسيالار، سونداي-اق 40 ءمۇسىن قويىلدى.
لاتيف قازبەكوۆ – سۋرەتشى-گرافيك، رەسەيدىڭ ەڭبەك سىڭىرگەن سۋرەتشىسى، رەسەي سۋرەتشىلەر وداعىنىڭ مۇشەسى، سانكت-پەتەربۋرگ قازىرگى زامانعى ونەر اكادەمياسىنىڭ مۇشەسى. تۋعان جەرى قازاقستان، ول ن.ۆ. گوگول اتىنداعى الماتى كوركەمونەر ۋچيليششەسىن بوريس پەتروۆيچ پاك شەبەرحاناسىندا بىتىرگەن. كوپ قاباتتى قاعاز جاساۋدىڭ وزىندىك تەحنيكاسىن ويلاپ تاپتى. سونىڭ ارقاسىندا ءاربىر پاراق اكۆارەلدى كەسكىندەمەدە ءتۇس پەن بەدەرلى فاكتۋرانىڭ كەرەمەت اسەرىن تۋدىرىپ، جالعىز تۋىندىعا اينالادى.
اندرەي بيستي – تانىمال رەسەيلىك گرافيك، كەسكىندەمەشى، ءمۇسىنشى، ماسكەۋ سۋرەتشىلەر وداعىنىڭ مۇشەسى. ماسكەۋ پوليگرافيا ينستيتۋتىن بىتىرگەن، پ.گ. زاحاروۆتىڭ، ۆ.ن. لياحوۆتىڭ، ا.د. گونچاروۆتىڭ جانىندا ءبىلىم العان. سۋرەتشىنىڭ شىعارماشىلىعىنىڭ نەگىزگى ءساتى ەكسپەريمەنتكە دەگەن قىزىعۋشىلىق بولىپ تابىلادى.
كورمە 2024 جىلدىڭ 6 قازانىنا دەيىن جالعاسادى.