كورمە 2024 جىلدىڭ 3 قاراشاسىنا دەيىن جالعاسادى.
ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە قازاقستاندىق بەلگىلى ءمۇسىنشى شوقان تولەشتىڭ «اسپان» اتتى جەكە كورمەسىنىڭ سالتاناتتى اشىلۋى ءوتتى، دەپ حابارلايدى aqshamnews.kz
مادەنيەت جانە اقپارات مينيسترلىگىنىڭ مالىمەتىنشە، كورمەدە زاماناۋي ءمۇسىنشىنىڭ 90-نان اسا مۇسىندىك، گرافيكالىق جانە كەسكىندەمەلىك تۋىندىلارى ۇسىنىلعان.
شوقان تولەشتىڭ مۇسىندىك تۋىندىلارى كۇردەلى پلاستيكالىق فورمانى بىلدىرەدى. سۋرەتشى تولەشتىڭ شىعارماشىلىعىندا ەڭ باستىسى — يدەيا. ول ويىنداعى يدەياسىن جۇزەگە اسىرۋدا قولا مەن ءاليۋمينييدى دانەكەرلەۋسىز ادىسپەن بىرىكتىرىپ، ەرەكشە مۇسىندەر جاسايدى.