تاجىكستان مەن وزبەكستاننىڭ 30 ازاماتى قر-نىڭ كوشى-قون زاڭناماسىن بۇزعانى ءۇشىن ەلدەن شىعارىلدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيا قىزمەتكەرلەرى “ۋچاسكە” جەدەل الدىن الۋ ءىس-شاراسى بارىسىندا زاڭسىز جۇرگەندەردى انىقتادى.
قالادا ءىس-شارانىڭ 18 كۇنىنىڭ ىشىندە ەلىمىزدىڭ كوشى-قون زاڭناماسىن بۇزعان 2 380 ادام انىقتالدى، ولاردىڭ 813ء-ى شەتەلدىك ازاماتتار. ولار ق ر اقبتك-نىڭ 517-بابى بويىنشا اكىمشىلىك جاۋاپكەرشىلىككە تارتىلدى. پد-نىڭ قابىلداپ-تاراتۋىنا جەكە باسىن كۋالاندىراتىن قۇجاتتارى جوق 387 شەتەل ازاماتى ورنالاستىرىلدى. سونىمەن قاتار شەتەلدىكتەردىڭ قازاقستاندا بولۋىنىڭ زاڭدىلىعىن قامتاماسىز ەتپەگەن 349 ازاماتقا قاتىستى اكىمشىلىك شارا قولدانىلدى، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق پوليسيا قىزمەتكەرلەرى جاقىندا 30 قۇقىق بۇزۋشىنى مەملەكەتتىك شەكاراعا جەتكىزۋدى ۇيىمداستىردى. وسى ماقساتتار ءۇشىن كوپ ورىندىقتى اۆتوبۋس قاراستىرىلعان.ولار “جىبەك جولى” باقىلاۋ-وتكىزۋ بەكەتىندە مەملەكەتتىك شەكاراعا دەيىن جەتكىزىلدى.