الماتى قالاسى اۋەزوۆ اۋدانى وتەگەن باتىر كوشەسى بويىندا ورنالاسقان قويمادا ءورت شىقتى. قازىرگى ۋاقىتتا ءورت سوندىرۋشىلەر ءتىلسىز جاۋدى اۋىزدىقتاۋ ءۇشىن جەدەل ارەكەت ەتۋدە. بۇل تۋرالى Aqshamnews.kz سايتى حابارلايدى.
ءورتتى ءسوندىرۋ جۇمىستارى قالاي ءجۇرىپ جاتىر؟
وقيعا ورنىنا جەتكەن ءورت سوندىرۋشىلەر جوعارى ءورت جۇكتەمەسى مەن قاتتى ءتۇتىننىڭ ءسوندىرۋ جۇمىستارىن قيىنداتىپ جاتقانىن حابارلادى. ءورت ءسوندىرۋ شتابى قۇرىلىپ، جالىنمەن كۇرەسكە بىرنەشە بولىمشە جۇمىلدىرىلدى.
ءورتتى ءسوندىرۋ ءۇشىن ۇزدىكسىز سۋمەن قامتاماسىز ەتۋ ۇيىمداستىرىلعان.
زارداپ شەككەندەر تۋرالى اقپارات جوق. قازىرگى مالىمەت بويىنشا، 112 قىزمەتىنە زارداپ شەككەندەر تۋرالى حابارلاما تۇسپەگەن.
ءورتتىڭ شىعۋ سەبەبى انىقتالۋدا. توتەنشە جاعدايلار قىزمەتى تۇرعىنداردى قاۋىپسىزدىك شارالارىن ساقتاۋعا جانە ءورت بولعان ايماقتان اۋلاق بولۋعا شاقىرادى.