ق ر توتەنشە جاعدايلار مينيسترلىگىنە قاراستى «سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعى» ج ش س سەيسميكالىق ستانسالار جەلىسى كەزەكتى جەر سىلكىنىسىن تىركەدى.
ونىڭ وشاعى الماتىدان وڭتۇستىككە قاراي 263 شاقىرىم جەردە ورنالاسقان، دەپ حابارلايدى Almaty-akshamy.kz.
جەر سىلكىنىسى 2024 جىلدىڭ 23 قاڭتارىندا الماتى ۋاقىتىمەن ساعات 13:19-دا تىركەلدى.
«جەر سىلكىنىسىنىڭ وشاعى الماتىدان وڭتۇستىككە قاراي 263 شاقىرىم جەردە، قىرعىزستان مەن جۇڭگو شەكاراسىندا ورنالاسقان. دۇمپۋلەر قازاقستان اۋماعىندا سەزىلگەن جوق»، دەلىنگەن ماماندار تاراتقان حابارلامادا.
جەر سىلكىنىسىنىڭ ەنەرگەتيكالىق كلاسى – 10،5. ماگنيتۋداسى MPV – 4،5. ەپيسەنتر كوورديناتتارى – 41،15° سولتۇستىك. 78،48° E. تەرەڭدىگى – 5 كم.
ەسكە سالايىق، 2024 جىلدىڭ 23 قاڭتارىنا قاراعان ءتۇنى الماتىدا جەر سىلكىنىسى بولدى. الماتى تۇرعىندارى سەزىنگەن جەراستى دۇمپۋلەر بەس باللعا جەتتى.