ەكى كولىك تە ايىپ تۇراعىنا قويىلدى.
الماتىدا كەزەكتى «ەگىز» كولىك تابىلدى، دەپ حابارلايدى Almaty-akshamy.kz
ءىىم رەسمي سايتىنىڭ مالىمەتىنشە، ءتارتىپ ساقشىلارىنىڭ نازارىنا ىلىككەن Toyota Estima كولىكتەرى رەسەي فەدەراسياسىنىڭ ەسەبىندە تۇرعان.
«ءبىزدىڭ بولىمشەنىڭ ەكيپاجى الدىمەن ەگىز كولىكتىڭ ءبىرىن ۇستادى. ودان ءارى، «قورعاۋ – ءقاۋىپتى جۇرگىزۋشى» اۆتوماتتاندىرىلعان اقپاراتتىق جۇيەسىن پايدالانا وتىرىپ، قالا جولدارىندا مەملەكەتتىك تىركەۋ ءنومىرى مەن قۇجاتى بىردەي تاعى ءبىر كولىك جۇرگەندىگى انىقتالدى. شاعىن اۆتوبۋس ساناۋلى مينۋتتاردا تابىلدى جانە ۇستالدى. ەكى جۇرگىزۋشى دە كولىكتەرىن زاڭدى تۇردە ساتىپ العاندارىن العا تارتىپ، بۇنىڭ قالاي بولعاندىعىن تۇسىنبەي وتىر. ەكى شەتەلدىك كولىك مامانداندىرىلعان ايىپپۇل تۇراعىنا ورنالاستىرىلدى. اتالمىش دەرەك بويىنشا اۋداندىق پوليسيا باسقارماسىندا رەسمي تەرگەۋ باستالدى»، – دەدى جپقب مامانداندىرىلعان باتالوننىڭ كومانديرى جانىبەك وسكەمبايەۆ.