وتىرىسقا اۋدان اكىمدەرى، مەملەكەتتىك جانە قۇقىق قورعاۋ ورگاندارىنىڭ، كۆازيمەملەكەتتىك سەكتوردىڭ باسشىلارى جانە قوعام وكىلدەرى قاتىستى.
الماتى قالاسى اكىمىنىڭ ورىنباسارى اسقار ءامريننىڭ توراعالىعىمەن سىبايلاس جەمقورلىققا قارسى ءىس-قيمىل ماسەلەلەرى جونىندەگى قالالىق كوميسسيانىڭ كەزەكتەن تىس كەڭەيتىلگەن وتىرىسى ءوتتى، دەپ حابارلايدى Almaty-akshamy.kz
ءوزىنىڭ سوزىندە اسقار ءامرين سىبايلاس جەمقورلىققا دەر كەزىندە جانە ۇيلەستىرىلگەن ءىس-قيمىل ارقىلى ءتيىمدى قارسى تۇرۋعا بولاتىنىن اتاپ ءوتتى.
«مەملەكەت باسشىسى بەكىتكەن قازاقستان رەسپۋبليكاسىنىڭ سىبايلاس جەمقورلىققا قارسى ساياساتىنىڭ تۇجىرىمداماسىن ىسكە اسىرۋ اياسىنداسىبايلاس جەمقورلىققا قارسى مادەنيەتتى قالىپتاستىرۋ، سىبايلاس جەمقورلىققا قارسى ءىس - قيمىلعا مۇددەلى جانە بەلسەندى بولۋ جانە سىبايلاس جەمقورلىققا قارسى ءىس-قيمىلعا باعىتتالعان الدىن الۋ شارالارىنىڭ باسىمدىعىن قامتاماسىز ەتۋ قاجەت»، - دەدى قالا اكىمىنىڭ ورىنباسارى اسقار ءامرين.
قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى پريەۆەنسيا قىزمەتىنىڭ باسشىسى سايان احمەتجانوۆ ءوزىنىڭ بايانداماسىندا سىبايلاس جەمقورلىق تاۋەكەلدەرىنىڭ كارتاسى ازىرلەنگەنىن، وعان ەلدىڭ ءاربىر ءوڭىرىنىڭ ەڭ وزەكتى ماسەلەلەرى ەنگىزىلگەنىن اتاپ ءوتتى.
كارتادا پروسەستەردىڭ اشىق ەمەستىگى، اكىمشىلىك كەدەرگىلەردىڭ بولۋى، زاڭنامانىڭ جەتىلدىرىلمەۋى، سىبايلاس جەمقورلىق تاۋەكەلدەرىنە بايلانىستى ناقتى شەشىمنىڭ تابىلماۋى سالدارىنان ورىن الاتىن وزەكتى ماسەلەلەردىڭ تىزبەسى كورسەتىلگەن.
الماتى قالاسى بويىنشا 6 باعىت بەلگىلەندى، ولار – قۇرىلىس، ەكولوگيا، فيسكالدىق سالا، الەۋمەتتىك سالا، ەكونوميكا جانە قارجى باعىتتارى. بۇلار – وسى وڭىردە تۇراتىن جانە سىبايلاس جەمقورلىقپەن بايلانىستى ادامدار كەزدەسەتىن نەگىزگى ماسەلەلەر.
قالا اكىمىنىڭ ورىنباسارى اسقار ءامرين اتاپ وتكەندەي، سىبايلاس جەمقورلىققا قارسى ءىس-قيمىل اگەنتتىگى مەملەكەتتىڭ سىبايلاس جەمقورلىققا قارسى ساياساتىنىڭ جەتەكشىسى بولىپ تابىلادى، ول ءوز قىزمەتىندە جەمقورلىقتىڭ الدىن الۋدىڭ، اۋقىمدى اعارتۋدىڭ، قوعاممەن سىندارلى سەرىكتەستىكتىڭ جانە قىلمىستىق-قۇقىقتىق شارالاردىڭ ءتيىمدى ەلەمەنتتەرىن بىرىكتىرەدى.
«سىبايلاس جەمقورلىقتىڭ الدىن الۋ جانە وعان قارسى ءىس-قيمىل" تيپتىك بازالىق باعىتى ەنگىزىلگەن جوبالىق باسقارۋ اياسىندا اكىمدىك ءوز تاراپىنان سىبايلاس جەمقورلىق تاۋەكەلدەرىنە ىشكى تالداۋ جۇرگىزەدى، اكىمشىلىك كەدەرگىلەردى جويۋ، سونداي-اق اشىقتىق پەن ادىلدىكتى قامتاماسىز ەتۋ ماقساتىندا ءبىلىم بەرۋ، دەنساۋلىق ساقتاۋ، كولىك، جەر قاتىناستارى سالالارىنداعى جۇمىس وڭتايلاندىرىلدى، مەملەكەتتىك قىزمەتتەر ەلەكتروندىق فورماتقا اۋىستىرىلدى. مەملەكەتتىك اپپاراتتىڭ قوعاممەن سىندارلى ديالوگى جولعا قويىلعان.