الماتى قالاسىنداعى تەرگەۋ يزولياتورىندا جاتقان تۋىستارىنا نەمەسە تانىستارىنا ەسىرتكى تاسيتىندار از ەمەس.
جۋىردا № 72 مەكەمەدە (تەرگەۋ يزولياتورى) تەرگەۋ تۇتقىنىندا جاتقان 23 جاستاعى قىرعىزباي اتتى جىگىتكە اكەلگەن سالەمدەمەنىڭ ىشىنەن ەسىرتكى ۇنتاعى تابىلدى. تىيىم سالىنعان زاتتى جەتكىزۋشى ونى سۋسابىننىڭ ىشىنە جاسىرىپتى، دەپ حابارلايدى Almaty-akshamy.kz Polisia.kz- كە سىلتەمە جاساپ.
تەرگەۋ تۇتقىنىنداعى قىرعىزباي قىلمىستىق كودەكستىڭ 188 جانە 291-باپتارى بويىنشا تۇتقىندالىپ، الماتى قالاسى اۋەزوۆ اۋدانى سوتىنىڭ ۇكىمىمەن 5 جىل باس بوستاندىعىنان ايىرۋ جازاسىنا كەسىلگەن بولاتىن.
سوت ۇكىمى 18 قازان كۇنى كۇشىنە ەنگەن. بۇرىن دا سوتتى بولعان تانىسىنا ەسىرتكى تاسىمالداعان اسقار اتتى جىگىتتىڭ ارەكەتىنە قاتىستى تۇركسىب اۋداندىق پوليسيا باسقارماسىنان جەدەل-تەرگەۋ توبى شاقىرىلىپ، قك 296-بابىنىڭ، 2-بولىگى بويىنشا قىلمىستىق ءىس قوزعالدى.