الماتىدا سۋعا تۇسۋگە بولاتىن ورىندار انىقتالدى

شومىلاتىن جەردىڭ دە ماڭىزى زور.

الماتى قالالىق سانيتارلىق-ەپيدەميولوگيالىق باقىلاۋ دەپارتامەنتى سۋ قويماسىنىڭ تۇرىنە قاراماستان، تەڭىز، كول، وزەن نەمەسە توعان بولسىن، ءار ادام سۋعا ءتۇسۋ كەزىندە ءوزىن-وزى ۇستاۋ ەرەجەلەرى مەن قاۋىپسىزدىك شارالارىن ءبىلىپ، قاتاڭ ساقتاۋى كەرەكتىگىن ەسكە سالادى، دەپ حابارلايدى Almaty-akshamy.kz NewTimes.kz-كە سىلتەمە جاساپ.

رەسمي تۇردە بەكىتىلگەن جاعاجايدا دەمالىس پەن سۋعا شومىلۋ ەڭ ءقاۋىپسىز، ويتكەنى ول جەردە قۇتقارۋشىلار، مەديسينا قىزمەتكەرلەرى كەزەكشىلىكتە بولادى جانە، ەڭ باستىسى، سۋدىڭ كۇيى باقىلانادى.

اعىمداعى جىلى قالاداعى ەكىنشى ساناتتاعى 30 اشىق سۋ قويماسىندا سانيتارلىق-ەپيدەميولوگيالىق مونيتورينگ جۇرگىزىلەدى. ولار - الاتاۋ اۋدانى اۋماعىندا 5 اشىق سۋ قويماسى، المالى اۋدانىندا 3، اۋەزوۆ اۋدانىندا 2، بوستاندىق اۋدانىندا 2، جەتىسۋ اۋدانىندا 4، مەدەۋ اۋدانىندا 8 جانە تۇركسىب اۋدانىندا 6 اشىق سۋ قويماسى. ال ميكروبيولوگيالىق، سانيتارلىق-حيميالىق، راديولوگيالىق جانە پارازيتولوگيالىق كورسەتكىشتەر بويىنشا توقسان سايىن كەمىندە ءبىر رەت زەرتحانالىق سۋ باقىلاۋى جۇرگىزىلەدى.

بۇگىنگى كۇنى الماتىداعى سۋ ايدىندارىندا تۇرعىنداردىڭ جاپپاي دەمالۋى، تۋريزم جانە سۋداعى سپورت ءۇشىن 4 دەمالىس ورنى بەلگىلەندى:

د.قونايەۆ اتىنداعى ۇلكەن الماتى كانالىنداعى – «باۋم باعى» جاعاجايى؛ د.قونايەۆ اتىنداعى ۇلكەن الماتى كانالىنداعى – «گۇلدەر» دەمالىس ايماعىنىڭ جاعاجايى؛

سايران كولىنىڭ شىعىس جانە باتىس جاعى.