كومەك قولىن سوزۋعا قالا تۇرعىندارى، كاسىپكەرلەر جانە بەلسەندى جاستار اتسالىستى.
ەلىمىزدە سۋ تاسقىنىنان زارداپ شەككەن وڭىرلەرگە گۋمانيتارلىق كومەك جيناۋ جالعاسۋدا، دەپ حابارلايدى Almaty-akshamy.kz
نەبارى ءۇش كۇندە الماتىلىقتار 1 توننادان استام گۋمانيتارلىق كومەك جينادى. بۇل ازىق-تۇلىك، ءبىرىنشى كەزەكتە قاجەتتى زاتتار، كيىم-كەشەك جانە ت.ب.
الماتى قالاسى المالى اۋدانىنىڭ كوميۋنيتي ورتالىعىندا اشىلعان قابىلداۋ پۋنكتىنىڭ جۇمىسىنا قالانىڭ 10-نان استام ءىرى ۆولونتەرلىك ۇيىمى («QAMQOR CHARITY» قق، «قازاقستان ۆولونتەرلار ليگاسى» قق، سفرم، Black Sea Fund «Newman» جانە ت.ب.) مەن 50-دەن استام ەرىكتى جۇمىلدىرىلدى.
ايتا كەتەتىن نارسە، قابىلداۋ پۋنكتى اپتانىڭ سوڭىنا دەيىن جۇمىسىن جالعاستىرادى.
گۋمانيتارلىق كومەكتى كۇن سايىن ساعات 10.00-دەن 19.00-گە دەيىن تاپسىرۋعا بولادى.
گۋمانيتارلىق كومەك كەلەسى ساناتتارعا بولىنەدى:
- ازىق-تۇلىك؛
- اۋىز سۋ؛
- زاتتار (كورپە، ۇيىقتايتىن قاپ، جاستىق جانە ت.ب.)؛
- تۇرمىستىق زاتتار (شاتىرلار، تەرموستار، شامدار، قۋاتتاعىشتار، شاينەكتەر، بالالار ىدىستارى جانە ت.ب.)؛
- گيگيەنالىق قۇرالدار (جورگەكتەر، ايەلدەر گيگيەناسى قۇرالدارى، سابىن، ءتىس پاستاسى، سۋسابىندار، مايلىقتار، دارەتحانا قاعازى، تازارتقىش زاتتار جانە ت.ب.)؛
- دارىلىك زاتتار مەن مەديسينالىق ماقساتتاعى قاجەتتىلىكتەر؛
- كيىم (سىرت كيىم جانە اياق كيىم).
ماڭىزدى! كيىم مەن زاتتار تازا، ال تۇرمىستىق زاتتار تولىق جۇمىس ىستەپ تۇرعان جانە اقاۋسىز بولۋى كەرەك، گيگيەنالىق زاتتار جاڭا، دارى-دارمەكتىڭ جارامدىلىق مەرزىمى وتپەگەن جانە قولدانىلۋى جونىندەگى نۇسقاۋلىق بولۋى كەرەك.
بارلىق نيەت ءبىلدىرۋشى المالى اۋدانىنىڭ كوميۋنيتي ورتالىعىنا حابارلاسىپ، قاجەتتى زاتتاردى تاپسىرا الادى!
مەكەنجايى: المالى اۋدانىنىڭ كوميۋنيتي-ورتالىعى، بايتۇرسىنوۆ كوش.، 22ك1
قابىلداۋ ۋاقىتى: 10:00-دەن 19:00-گە دەيىن
بايلانىس نومەرى: +7 747 821 64 78؛ +7 747 540 01 40