الماتىدا توزىعى جەتكەن 2 مىڭ شاقىرىمعا جۋىق سۋ قۇبىرىن اۋىستىرۋ كوزدەلىپ وتىر
بيىل الماتىدا حالىق پەن كاسىپورىندارعا سۋدى ۇزدىكسىز بەرۋدى قامتاماسىز ەتۋگە باعىتتالعان سۋمەن قامتۋ جانە كارىز جۇيەسىن جاڭعىرتۋ جۇمىستارى جالعاسادى. بۇل تۋرالى «الماتى سۋ» مكك باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
جۇمىستاردى بىرنەشە باعىتتا جۇزەگە اسىرۋ جوسپارلانعان. ەڭ الدىمەن وبەكتىلەردى، جەلىلەر مەن جابدىقتاردى قىسقا دايىنداۋ، سونداي-اق جەلىلەردەگى اپاتتار سانىن جانە سۋ شىعىنىن ازايتۋعا باعىتتالعان.
«2023 جىلعا ارنالعان ينۆەستيسيالىق باعدارلاماعا سايكەس، سۋمەن قامتۋ بويىنشا 2،6 ملرد تەڭگە، سۋ بۇرۋ بويىنشا 584 ملن تەڭگەنى قۇرايدى. بيىلعا ارنالعان ينۆەستيسيانىڭ نەگىزگى كولەمى جەلىلەردى جاڭارتۋعا باعىتتالادى. سوندىقتان جالپى ۇزىندىعى 32 شاقىرىم بولاتىن 25 نىسان بويىنشا وتە توزعان سۋ قۇبىرى جەلىلەرىن اۋىستىرۋ جوسپارلانىپ وتىر. ينجەنەرلىك جەلىلەردى رەكونسترۋكسيالاۋ جۇمىستارى بارىسىندا سۋ ۇزدىكسىز بەرىلەتىن بولادى»، - دەپ حابارلادى كومپانيادا.
الماتىدا نەگىزگى ماسەلەلەردىڭ ءبىرى – توزعان سۋ قۇبىرى جەلىلەرى بولىپ قالىپ وتىر. قازىرگى تاڭدا الماتى قالاسى بويىنشا سۋ قۇبىرى جەلىلەرىنىڭ 54،2%-ى توزعان. سول سەبەپتى 1943 شاقىرىم سۋ قۇبىرى جەلىسىن اۋىستىرۋ قاجەت. كارىزدەردىڭ 56،6%-ى توزعان، ياعني، 1000 شاقىرىمنان استام جەلىنى رەكونسترۋكسيالاۋ قاجەت.
سونداي-اق «الماتى سۋ» مەكەمەسىنىڭ مالىمەتىنشە، الداعى جىلدار ىشىندە بيۋدجەت قاراجاتى ەسەبىنەن قارعالى، اقساي، ەرمەنساي جانە بارلىق وزەندەرىندە سۋ جيناۋ قۇرىلىستارى ىسكە قوسىلىپ، ون ەلدى مەكەندە ۇزىندىعى 280 شاقىرىم سۋ قۇبىرى جەلىلەرى سالىناتىن بولادى.
«بۇل 232 مىڭ تۇرعىندى سۋمەن قامتۋعا جانە قالاداعى ورتالىقتاندىرىلعان سۋمەن قامتۋعا 100% قولجەتىمدىلىكتى قامتاماسىز ەتۋگە مۇمكىندىك بەرەدى»، - دەپ حابارلادى «الماتى سۋ» مكك-دا.