الماتى قالاسى جاستار ساياساتى باسقارماسى ءماسليحات دەپۋتاتتارى جانە قوعام بەلسەندىلەرىمەن بىرلەسىپ الماتىلىق ستۋدەنتتەرىنىڭ قونىستانۋ ورىندارىنا مونيتورينگ جۇرگىزدى. ستۋدەنتتەردىڭ جاتاقحانالاردا، قوناق ۇيلەردە جانە حوستەلدەردەگى جاعدايدى كوزبەن كوردى، دەپ حابارلايدى almaty-akshamy.kz
الماتى قالاسىندا 35 جوعارى وقۋ ورنى بار، وندا 197 مىڭنان استام ستۋدەنت ءبىلىم الادى، ونىڭ 126 مىڭنان استامى باسقا قالالاردان. قالادا 98 ستۋدەنتتىك جاتاقحانا جۇمىس ىستەيدى، وندا 31 مىڭنان استام ستۋدەنت تۇرادى. بۇل رەتتە، 32 مىڭ ورىن تاپشىلىعى بار.
«ستۋدەنتتەردى جىل سايىنعى كوبەيۋىن ەسكەرىپ، ءبىز قىسقا جانە ۇزاق مەرزىمدى سيپاتتاعى بەلگىلى ءبىر جۇيەلى شارالاردى دايىندادىق. ستۋدەنتتىك جاتاقحانالارداعى ورىن تاپشىلىعىن وڭتايلى شەشۋ ءۇشىن وقۋ جىلىنىڭ باسىندا اكىمدىك الماتى قالاسىنىڭ تۋريزم باسقارماسىمەن بىرلەسىپ قوناق ۇيلەر مەن حوستەلدەر دايىندالىپ، 10 مىڭ ستۋدەنتكە ورىن بەرىلدى»، - دەدى الماتى قالاسى جاستار ساياساتى باسقارماسىنىڭ باسشىسى قايىرجان مەڭدىعالييەۆ. ونىڭ ايتۋىنشا، بۇگىندە ءبىرقاتار حوستەلدە بوس ورىندار بار، مىسالى، House of the students-تە 170 ورىن. ق. مەڭدىعالييەۆ قوناق ءۇي بيزنەسىنىڭ كەيبىر نىساندارىن كەلەشەكتە ستۋدەنتتىك جاتاقحانالار رەتىندە جاڭعىرتۋ جوسپارلانىپ وتىرعانىن حابارلادى. «حالىقارالىق ينجەنەرلىك-تەحنولوگيالىق ۋنيۆەرسيتەت 118 ورىندىق «سارباز» قوناق ۇيىمەن سەرىكتەستىك ورناتادى، بولاشاقتا بۇل قوناق ءۇي ستۋدەنتتىك جاتاقحانا بولىپ قايتا قۇرىلادى»، – دەدى اكىمدىك وكىلى.
جوو-لار مەن ينۆەستورلارعا جاتاقحانالار سالۋ كەزىندە قولداۋ كورسەتۋ ءۇشىن بيىل ناۋرىز ايىندا الماتى اكىمدىگى عىلىم جانە جوعارى ءبىلىم مينيسترلىگىمەن بىرلەسىپ جوبالىق كەڭسە قۇردى.
«ستۋدەنتتىك جاتاقحانالاردى سالۋ بويىنشا جوبالىق كەڭسە ىسكە قوسىلعان ساتتەن باستاپ بىزگە 107-دەن استام الەۋەتتى ينۆەستور جۇگىندى، بۇل قولداۋ تەتىگىنىڭ تيىمدىلىگىن كورسەتەدى. ءقازىر 47 جوبا قارالىپ جاتىر، 2 نىسان ىسكە قوسىلدى. بيىل 15 قىركۇيەككە دەيىن 900 ورىندىق جاتاقحانا اشۋدى كوزدەپ وتىرمىز. 2023 جىلدىڭ سوڭىنا دەيىن 3939 ورىنعا ارنالعان 16 نىساندى پايدالانۋعا بەرۋ جوسپارلانعان»، – دەدى قايىرجان مەڭدىعالييەۆ.
الماتى جوعارى وقۋ ورىندارىندا ستۋدەنتتەردى جاتاقحاناعا ورنالاستىرۋعا ارنالعان ونلاين پلاتفورما بار. بۇعان قوسا، ءاربىر جوو-دا ستۋدەنتتەردىڭ بىرلەسىپ قونىستانۋ ءۇشىن چاتتار اشىلعان جانە تاربيە جۇمىسى جونىندەگى پرورەكتورلار جەتەكشىلىك ەتەتىن ستۋدەنتتەردى جاتاقحانالارعا ورنالاستىرۋ جونىندەگى جەدەل شتاب جۇمىس ىستەيدى. ءارى سەنىم تەلەفوندارى دا بار.
سونىمەن قاتار، ستۋدەنتتەردىڭ تۇرعىن ءۇي ماسەلەسىن شەشۋ ءۇشىن احۋالدىق ورتالىق جۇمىس ىستەيدى. قازىرگى تاڭدا Call-ورتالىق ارقىلى الماتى قالاسى بويىنشا 4 مىڭنان استام قوڭىراۋ وڭدەلدى. احۋالدىق ورتالىقتىڭ بايلانىس ءنومىرى مىناۋ: +7700 255 14 43، +7707 666 00 37.