الماتىدا ستروبوسكوپتى پايدالانعان Gelandewagen جۇرگىزۋشىسى جاۋاپقا تارتىلدى.
الەۋمەتتىك جەلىلەرگە جۇرگىزىلگەن مونيتورينگ بارىسىندا جول قوزعالىسى ەرەجەلەرىنىڭ بىردەن بىرنەشە تالاپتارىن بۇزعان ق ر اكىمشىلىك زاڭناماسىن ورەسكەل بۇزۋ دەرەگى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«23 جاستاعى ي.ەسىمدى ازامات انىقتالدى جانە ۇستالدى، ول قۇقىقبۇزۋشىلىق دەرەگىن بىردەن مويىنداپ، بەينەروليككە ءتۇسىرۋ قاجەتتىگىن ءتۇسىندىردى. بۇل ءۋاج قۇقىق بۇزۋشىنىڭ ارەكەتىن اقتامايدى. وعان قاتىستى قازاقستان رەسپۋبليكاسىنىڭ اكىمشىلىك زاڭناماسىنا سايكەس شارا قولدانىلدى: التى اكىمشىلىك حاتتاما تولتىرىلدى. كولىك مامانداندىرىلعان ايىپپۇل تۇراعىنا قويىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
كەلەسى قۇقىقبۇزۋشىلىقتار بويىنشا اكىمشىلىك ءىس قوزعالدى: ق ر اقبتك-نىڭ 230-بابى 2-بولىگى – قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭناماسىن بۇزۋ؛ ق ر اقبتك-نىڭ 591-بابى 1-بولىگى – جۇرگىزۋشىنىڭ كولىك قۇرالىن باسقارۋ كەزىندە تەلەفون نەمەسە راديوستانسيانى پايدالانۋى؛ ق ر اقبتك-نىڭ 590-بابى 5-بولىگى – تەحنيكالىق رەگلامەنتتەردىڭ، ۇلتتىق ستاندارتتاردىڭ تالاپتارىنا سايكەس كەلمەيتىن، سونداي-اق اقاۋلار نەمەسە كولىك قۇرالدارىن پايدالانۋعا تىيىم سالىناتىن جاعدايلار بولعان كەزدە كولىك قۇرالدارىن جۇرگىزۋ؛ ق ر اقبتك-نىڭ 590-بابى 3 بولىگى – كولىك قۇرالىنا جالعان نەمەسە قولدان جاسالعان مەملەكەتتىك تىركەۋ نومىرلىك بەلگىلەرىن ورناتۋ؛ ق ر اقبتك-نىڭ 590-بابى 4-بولىگى – جالعان نەمەسە قولدان جاسالعان مەملەكەتتىك تىركەۋ نومىرلىك بەلگىلەرى (بەلگى) بار كولىك قۇرالىن باسقارۋ، سونداي-اق، مەملەكەتتىك تىركەۋ نومىرلىك بەلگىلەرىن (بەلگىسىن) سايكەستەندىرۋگە كەدەرگى كەلتىرەتىن نەمەسە ولاردى بەلگىلەۋگە مۇمكىندىك بەرەتىن قۇرىلعىلارمەن جانە ماتەريالدارمەن جابدىقتالعان مەملەكەتتىك تىركەۋ نومىرلەرى بار كولىك قۇرالىن جۇرگىزۋ؛ ق ر اقبتك-نىڭ 603-بابى 3-بولىگى – جەدەل جانە ارنايى قىزمەتتەردىڭ كولىك قۇرالدارىنىڭ ارنايى ءتۇستى سحەمالارىن كولىك قۇرالىنىڭ سىرتقى بەتتەرىنە زاڭسىز قولدانۋ.