الماتىدا «سپۋتنيك لايت» ۆاكسيناسى ريەۆاكسينالاۋ ءۇشىن قولجەتىمدى

ۆاكسينا قالاداعى بارلىق ەمحانالاردا قولجەتىمدى بولادى

الماتى قالاسى قوعامدىق دەنساۋلىق ساقتاۋ باسقارماسىنىڭ قويماسىنا «سپۋتنيك لايت» ۆاكسيناسىنىڭ 12 000 دوزاسى جەتكىزىلدى، دەپ حابارلايدى Almaty-akshamy.kz.

 قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان مالىمەتكە  سۇيەنسەك، «سپۋتنيك لايت» ۆاكسيناسى، ريەۆاكسيناسيالاۋعا، ياعني، تولىق يممۋنداۋ مەرزىمى اياقتالعاننان كەيىن قايتا ۆاكسيناسيالاۋعا ارنالعان. ۆاكسينا وسى جىلدىڭ 24 قاڭتارىنان باستاپ قالانىڭ بارلىق ەمحانالارىندا حالىققا قولجەتىمدى بولادى.

«ريەۆاكسيناسيالاۋ ۆاكسينانىڭ تولىق كۋرسىنان كەيىن 6 ايدان ەرتە جۇرگىزىلمەيدى. سپۋتنيك لايت – بۇل ۆەكتورلى ۆاكسينا، ونىڭ قۇرامى سپۋتنيكتىڭ ءبىرىنشى كومپونەنتىنە ۇقساس. ۆاكسينانى مينۋس 18 گرادۋستان ساقتاۋ رەجيمدە ساقتالادى»،-دەلىنگەن حابارلامادا.

الماتىدا ريەۆاكسيناسياعا ارنالعان كەلەسى ۆاكسينالار بار: QazVac، VeroCell جانە سپۋتنيك لايت. Pfizer پرەپاراتىمەن ءتيىستى كونتينگەنت، سونداي-اق، 60 جاستان اسقاندار مەن مەديسينا قىزمەتكەرلەرى ريەۆاكسيناسيا جاساي الادى.