مەدەۋ اۋدانىندا قالا كۇنىنە وراي سپورت الاڭقايى اشىلدى.
سپورت الاڭى باسكەتبول، سكەيتبوردينگ سىندى سپورتتىڭ تۇرلەرىنە قىزىعاتىن جاستاردى قولداۋ ماقساتىندا سالىنىپ وتىر.
تولە بي مەن ورمانوۆ كوشەلەرىنىڭ قيىلىسىنداعى بۇل كەشەننىڭ ەرەكشەلىگى، كوپىردىڭ استىندا ورنالاسقان. قالا تۇرعىندارى مەن قوناقتارى كەز كەلگەن ۋاقىتتا كەلىپ، سپورتپەن اينالىسا الادى.
اشىلۋ سالتاناتىنان كەيىن ەرلەر مەن ايەلدەر اراسىندا باسكەتبولدان جارىس ۇيىمداستىرىلىپ، جەڭىمپازدار ماراپاتتالدى.
“حالىقتى، اسىرەسە جاستاردى سالاۋاتتى ءومىر سۇرۋگە، سپورتقا باۋلۋعا اسەر ەتەدى. قازىرگى تاڭدا باسكەتبول جانە سكەيتبوردينگكە قىزىعاتىن اۋەسقوي سپورتشىلار كوبەيىپ كەلەدى. سپورتتى سەرىك ەتكەن جاستار جىل ون ەكى اي شۇعىلدانا الادى. سونداي-اق بۇل الاڭدا سپورتتىق ءىس-شارالار وتەدى”،- دەيدى مەدەۋ اۋدانى اكىمى اپپاراتىنىڭ مادەنيەت جانە تىلدەردى دامىتۋ ءبولىمىنىڭ باسشىسى ايدار ەركىن ۇلى.