مەگاپوليس اكىمى باقىتجان ساعىنتايەۆ «الماتى» تا-داعى Akimat Live باعدارلاماسىنىڭ تىكەلەي ەفيرى بارىسىندا كۆي بويىنشا سانيتارلىق-ەپيدەميولوگيالىق احۋال تۋرالى ايتىپ بەردى دەپ حابارلايدى almaty-akshamy.kz
10 قاراشادا قالادا كوروناۆيرۋستىق ينفەكسيانىڭ 179 754 جاعدايى تىركەلگەن، ونىڭ ىشىندە 156 439 جاعداي سيمپتومدى جانە 23 315ء-ى سيمپتومسىز، انىقتالماعان پنيەۆمونيا – 2 671.
9 قاراشادا كوروناۆيرۋستىق ينفەكسيانىڭ 134 جاعدايى تىركەلدى،ونىڭ 130-ى سيمپتومدارمەن، 8ء-ى انىقتالماعان پنيەۆمونيا. تاۋلىكتىك ءوسىم – 0،7%. رەپرودۋكتيۆتى سانى-0،883.
ينفەكسيالىق ستاسيونارلاردا جالپى قۋاتى 2334 توسەك-ورىن 793 ادام (20 بالا)، ونىڭ ىشىندە 33ء-ى اسا اۋىر، 343ء-ى اۋىر، 417ء-ى ورتاشا اۋىر جاعدايدا. وريت-تە-86 ناۋقاس. ءوجج-16، ءينۆازيۆتى ەمەس ءوجج – 45، High flow-دا 20 اپپارات جۇمىس ىستەيدى.
بۇگىندە ۇيدە امسك ءموبيلدى بريگادالارىنىڭ جانە تەلەمەديسينا ورتالىعىنىڭ باقىلاۋىندا 1 506 پاسيەنت بار، ونىڭ 64ء-ى سيمپتومسىز، 1 394ء-ىنىڭ جاعدايى جەڭىل، 47ء-سى ورتاشا جانە 1ء-ى اۋىر دارەجەلى.
كۆي دەرتىن تاۋلىكتىك تىركەۋ سانىنىڭ ازايۋىنا بايلانىستى ءۇشىنشى ەشەلوننىڭ ينفەكسيالىق ستاسيونارلارىنداعى توسەك-ورىندار قىسقارتىلۋدا. سونىڭ ىشىندە Halyk Arena سپورت كەشەنىندەگى كوۆيدتىك گوسپيتالدىڭ جۇمىسى توقتاتىلادى. كەلەسى ايدا ونى نەگىزگى پروفيل بويىنشا بۇرىنعى جۇمىس رەجيمىنە قايتارۋ جوسپارلانۋدا.
باقىتجان ساعىنتايەۆ سونداي-اق 11 قاراشادا جەتكىزىلەتىن «كوميرناتي» (Pfizer، اقش) مرنك-ۆاكسيناسىمەن ۆاكسينالاۋعا دايىندىق تۋرالى حابارلادى.
جالپى، 10 قاراشاداعى جاعداي بويىنشا ۆاكسينانى 1 004 163 ادام الدى. ەگىلگەندەردىڭ جالپى سانىنان 60 جاستان اسقاندار 121 380 ادامدى (12،1%) قۇرايدى. بۇگىندە مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوو-دا 137 ۆاكسينالاۋ پۋنكتى جۇمىس ىستەيدى.
الماتى اكىمى باقىتجان ساعىنتايەۆ قالا تۇرعىندارىن كوروناۆيرۋسقا قارسى ەكپە الۋعا شاقىردى. جاقىندا ريەۆاكسيناسيا باستالاتىنىنا قاراماستان، كەيبىر قالا تۇرعىندارى ۆاكسينانىڭ العاشقى كومپونەنتىن ءالى العان جوق. قالا اكىمىنىڭ ايتۋىنشا، الماتىلىقتار وزدەرىن جانە جاقىندارىن قورعاۋ ءۇشىن جاۋاپكەرشىلىك تانىتىپ، ۆاكسينالاۋدان وتكەندەرى ءجون.