قىلمىستىق-اتقارۋ جۇيەسى كوميتەتىنىڭ الماتى قالاسى بويىنشا قىلمىستىق-اتقارۋ جۇيەسى دەپارتامەنتى مەن “Social project management ورتالىعى” قوعامدىق قورى اراسىندا ىنتىماقتاستىق تۋرالى مەموراندۋم جاسالدى، دەپ حابارلايدى Almaty-akshamy.kz.
اتالعان كەلىسىمنىڭ ماقساتى – تۇزەۋ مەكەمەلەرىندە جانە ودان بوساتىلعاننان كەيىن دە قىلمىستىق جازاسىن وتەپ جۇرگەن سوتتالعانداردى الەۋمەتتىك بەيىمدەۋ جونىندەگى مەملەكەتتىك باعدارلامالاردىڭ ىسكە اسىرىلۋىن قامتاماسىز ەتۋ جانە وسى سالادا ءتيىمدى ىنتىماقتاستىق ورناتۋ.
مەموراندۋم اياسىندا “Social project management ورتالىعى” قوعامدىق قورىنىڭ وكىلدەرى شىلدە ايىندا الماتى قالاسى بويىنشا قاج دەپارتامەنتىنىڭ №11، №72 جانە № 13 مەكەمەلەرىندە بولىپ، سوتتالعاندارمەن 6 كەزدەسۋ وتكىزدى. كەزدەسۋ بارىسىندا ادامنىڭ ءوزىن-وزى باعالاۋ قاسيەتىن ارتتىرۋ، ءسۋيسيدتىڭ الدىن الۋ، سونىمەن قاتار ەركىندىككە شىعۋعا پسيحولوگيالىق تۇرعىدان دايارلاۋ سياقتى ءتۇرلى تاقىرىپتاردا ترەنينگتەر ۇيىمداستىرىلدى.
ترەنينگ بارىسىندا پسيحولوگتار سوتتالعانداردى تولعاندىراتىن سۇراقتارعا جاۋاپ بەردى. مىسالى، جاڭا جاعدايعا بەيىمدەلۋ، وتباسى مۇشەلەرىمەن جاڭا قارىم-قاتىناس ورناتۋ تۋرالى ءوزارا اڭگىمەلەر وتكىزىلىپ، سوتتالعاندارعا الەۋمەتتىك-پسيحولوگيالىق كومەك كورسەتىلدى.